Ож құралдарымен локалды ортаны қорғау

ОЖ-ның бағдарламалық құралдары пайдаланушыларды сәйкестендіруге, қолжетімділікті бақылауға, ақпаратты шифрлеуге, уақытша файлдар түріндегі қалдық (жұмыс) ақпаратты жоюға, қорғау жүйесін тестілік бақылауғаарналған және басқа да бағдарламаларды қамтиды. бағдарламалық құралдардың артықшылығы — әмбебаптылық, икемділік, сенімділік, орнату қарапайымдылығы, модификация мен дамуға қабілеттілік. Кемшіліктері — желінің шектеулі функционалдығы, файл-сервердің және жұмыс станцияларының ресурстар бөлігін пайдалану, кездейсоқ немесе әдейі өзгерістерге жоғары сезімталдық, компьютерлер түрлеріне (олардың аппараттық құралдарына) ықтимал тәуелділік.

Локалды ақпаратты қорғаудың бағдарламалық құралдары

Вирусқа қарсы бағдарлама (антивирус) — компьютерлік вирустарды анықтауға және вирусты жұқтырған файлдарды емдеуге арналған, сондай-ақ алдын ала тексеру (профилактика) жүргізуге, яғни, файлдарды немесе операциялық жүйені зиянды кодпен жұқтырудың алдын алу үшін арналған бағдарлама.

Рұқсат етілмеген қол жеткізуден ақпаратты қорғаудың бағдарламалық құралдары жақсы мүмкіндіктерге және сипаттамаларға ие. ОЖ құралдарынан, шифрлау бағдарламаларынан және криптографиялық жүйелерден басқа, ақпаратты қорғаудың көптеген сыртқы құралдары бар.

Желіаралық экрандар (брандмауэр немесе файрвол деп аталады). Жергілікті және жаһандық желілер арасында желілік/көлік деңгейлерінің барлық трафигін инспекциялайтын және сүзетін арнайы аралық серверлер құрылады. Бұл корпоративтік желіге сырттан рұқсат етілмеген кіру қаупін төмендетуге мүмкіндік береді, бірақ бұл қауіпті толығымен жоймайды. Қорғау әдістерінің бір түрі - маскарада (masquerading) тәсілі, ол кезде локалдық желіден шығатын барлық трафик firewall-сервер атынан жіберіледі.

Proxy-servers (proxy-сенімхат, сенімді тұлға). Жергілікті және жаһандық желілер арасындағы желілік/көлік деңгейлерінде барлық трафикке толық тыйым салынады - маршруттау жоқ, ал жергілікті желіден жаһандық желіге қатынау арнайы делдал-серверлер арқылы жүргізіледі. Бұл жағдайда, жаһандық желіден жергілікті желіге жүгіну мүмкін емес екені айқын. Бұл әдіс жоғары деңгейдегі шабуылдарға қарсы жеткілікті қорғаныс бермейді — мысалы, қосымша деңгейінде (вирустар, Java коды және JavaScript).

VPN (виртуалды жеке желі) бөтен адамдардың трафикті тыңдауы мүмкін желілер арқылы құпия ақпаратты жіберуге мүмкіндік береді. Қолданылатын технологиялар: PPTP, PPPoE, IPSec.

Рұқсат етілмеген қол жеткізуден қорғау жүйелерінің жіктелуі

Компьютерді басқаның басып кіруінен қорғау жүйесі әртүрлі және келесі топтар бойынша жіктелуі мүмкін:

• 
  бағдарламалық қамтамасыз етумен орнатылған меншікті қорғау құралдары;
  
• 
  есептеу жүйесі құрамындағы қорғау құралдары;
  
• 
  ақпаратты сұратуды орындайтын қорғау құралдары;
  
• 
  пассивті қорғаныс және т. б. құралдары.
  

• 
  ақпаратты ұқсат етілмеген қол жеткізуден қорғау,
  
• 
  бағдарламаны көшіруден қорғау,
  
• 
  ақпаратты бұзудан қорғау,
  
• 
  вирустардан ақпаратты қорғау,
  
• 
  бағдарламаларды вирустардан қорғау,
  
• 
  байланыс арналарын бағдарламалық қорғау.
  

Локалды ақпаратты қорғаудың қандай бағдарламалық құралдары бар?

Компьютерді басқаның басып кіруінен қорғау жүйелерін қандай топтарға жіктеуге болады?

Ақпаратты бағдарламалық қорғауды пайдаланудың негізгі бағыттары қандай?