I. Жалпы ереже Осы құжат мектеп-шығармашылық зертхананың құқылық, шаруашылық-экономикалық, білім және ғылыми эксперименттiк іс-әрекетін реттейді.
Зертхана өз қызмет барысында Білім заңын және ҚР жалпы білім беру мекемелерінің Типтік ережесін, соған сәйкес басқа да заңды актілерді, мәртебесін, өз Жарғысын басшылыққа алады.
Зертхана - мемлекет, жеке тұлғаның қызығушылығындағы мұғалімдердің ізденушілік қызметінің дамуы мен оқытуға сай қызмет ететін орта мектептiң құрылымдық бөлімшесі.
Мұғалімдердің кәсіптік даярлығы орта оқу орындарымен келісімшарт негізінде жүргізіледі.
Зертхана басқару органдарының алдында оқушының денсаулығы мен өмірін сақтау талаптарын, баланың жас және психофизиологиялық ерекшеліктерін қалыптастыру процесін ұйымдастыру құралдары мен әдістерін, түрлерін қолдануда білім беру сапасына қоғамдық педагогикалық ұйымдармен бірдей деңгейде жауап береді.
Зертхананың міндеттері: білім беру мекемесінің жаңа жүйесiн құру (өңдеу); дәстүрсіз оқу бағдарламасын құру; оқу жоспарлары, оқу құралдары, оқулықтар, Ақтөбе облысындағы білім беру саласында болып отырған жаңашылдық процестерді қамтамасыз ету, ауданымыздың экономикалық қажеттілігі мен халық сұранысына сәйкес олардың технологиялары мен механизмдерін ғылыми тұрғыдан қамтамасыз ету.
