«Қордай ауданы әкімдігі білім бөлімінің К.Әзірбаев атындағы №41 орта мектебі» коммуналдық мемлекеттік мекемесі

Білім беру жүйесін модернизациялау жағдайында шетелдік озық тәжірибелерді пайдалану мүмкіндіктерін бағалау,ұлттық дәстүр мен ерекшеліктерді ескеру, білім мазмұнын жаңарту,білім беру жүйесін басқару мен ұйымдастырудың тиімділігін арттырудың жаңа жлддарын іздестіру секілді өзекті жайыттар ерекше маңызға ие болып отыр.Мектеп директорынан өзгерістер енгізуді басқаруда нағыз көшбасшы болу талап етіледі.

Елімізде білім беру саласында қарқындап жүріп жатқан жаңалықтардан қалыс қалмай,мектептің оқу – тәрбие үдерісіне өзгерістер енгізу қажеттілігі туындайды. Бұл мақсаттағы жұмыстарымызды анықтап алу үшін қазіргі жағдайымызға талдау жасай отырып, болашаққа нақты мақсат пен міндеттерді айқындап алуымыз қажет. Осы перспективалық жоспарды жүзеге асыру бірнеше кезең арқылы нәтижеге жетуді мақсат етіп отырмыз.

Бүгінгі таңда әлемдік дамудың көз ілеспес жылдамдығы мен цифрлы және IT - техналогияның даму қарқыны жалпы білім беретін мектептерге қатаң бәсекелестік жағдайында қызмет корсетуге тура келеді. Қазіргі кезде жалпы білім беру мекемелерінің алдында білім беру жүйесін жаңғырту,бәсекеге қабілетті оқушы қалыптастыру міндеті тұр.