Жедел улануларды анықтауда дұрыс анамнез жинау өте маңызды: себебі, уақыты, улану жері, уыттың ену жолы мен мөлшері. Құсық пен дефекация сияқты белгілері болды ма, қашан басталғанын, қандай медициналық көмек көрсетілгенін (егер көрсетілсе) анықтау өте маңызды. Сонымен қатар, уланудың ағымына, еміне, науқастың жалпы жағдайына әсер етуі мүмкін қосымша аурулар мен бұрын басынан өткерген ауруларға көңіл бөлген жөн. Әсіресе, санасы бұзылған және суицид мақсатымен уланған науқастарда анамнезді мұқият жинау маңызды.
Жедел жәрдем бригадасының қызметкерлері немесе көмек көрсеткен басқа адамдар уланған науқасты аурухананың қабылдау бөлімінің дәрігеріне толық жиналған анамнез бен тән клиникалық белгілерді айту қажет.
Уланудың айғақты дәлелдерін табу үшін, жағдай болған жерді мұқият қарау қажет: спирттік ішімдіктер мен оның суррогаттары бар ыдыстар, дәрілік заттар немесе тұрмыстық химикаттардың құтысы, химиялық заттардың иісі, құсық массаларының сипаты. Бұл деректер комалық жағдайдағы науқастарда әсіресе маңызды.
Уланудың айғақты дәлелдерін табу үшін, жағдай болған жерді мұқият қарау қажет: спирттік ішімдіктер мен оның суррогаттары бар ыдыстар, дәрілік заттар немесе тұрмыстық химикаттардың құтысы, химиялық заттардың иісі, құсық массаларының сипаты. Бұл деректер комалық жағдайдағы науқастарда әсіресе маңызды.
Табылған айғақты дәлелдер (дәрілік заттар және т.б. тұрмыстық улы заттар) зардап шегушімен бірге ауруханаға жеткізіледі.
Ажыратпа диагностикасы
Жедел уланулардың ажыратпа диагностикасы әртүрлі комалармен, жабық БМЖ, жедел бас-ми қанайналымының бұзылысымен және басқа да жағдайлармен жүргізіледі, себебі комадағы науқастарда ауруханаға дейінгі сатыда диагностикалық қателіктер жиі кездеседі.
