Жасуша – тірі ағзалардың құрылымының ең қарапайым бірлігі
Ұлпа — шығу тегі, құрылысы және ағзадағы атқаратын қызметі бір бірімен байланысты жасушалар тобы.
Мүше — өзіне тән пішіні мен құрылысы және организмде алатын орны бар, белгілі бір қызмет атқаруға бейімделген, бір бірімен заңды түрде өзара байланысқан түрлі ұлпалардан құралған ағзаның бір бөлігі.
Мүшелер жүйесі – құрылысы ұқсас , шығу тегі мен дамуы біркелкі және белгілі бір қызметтері атқаруға маманданған мүшелер тобы.
Ағза – белгілі ортаға өз бетімен тіршілік етуге бейімделген, тұқым қуалаушылық қасиеттеріне сәйкес өзіне тән құрылысы мен даму ерекшелігі бар,тірі және тарихи қалыптасқан біртұтас жүйе.
