ІІ. Сабақтың ортасы
(25-30 минут)
|
Жоспар:
Дене тәрбиесі жүйесінің негіздері.
Дене тәрбиесі жүйесінің мазмұны қоғамның әлеуметтік – экономикалық, заң – құқықтық, ғылыми – әдістемелік, бағдарлама – нормативтік және ұйымдастыру негіздерінен көрінеді.
Әлеуметтік – эконимикалық негіздері. Дене тәрбиесі жүйесі қоғамдағы экономика, саясат, ғылым және мәдениет саласындағы жүйелермен тығыз байланыста.
Дене тәрбиесі жүйесі экономикалық қатынастардың дамыған аумағына жатады. Өзінің ұйымдық құрылымы жөнінен күрделі болуына байланысты (мемлекеттік және қоғамдық басқарудың қағидаларын байланыстыра жүргізу), қаржыландырудың материалдық- техникалық жағынан қаралуында да әр түрлі қаржы көздерін өзіне жинақтады: мемлекеттік бюджет, қоғамдық қорларды, кәсіпорындар, кәсіподақ, кооперативтік қоғамдар. Экономикалық жағынан дене тәрбиесі жүйесі дамыған материалдық және материалдық емес өндірісі бар халық шаруашылығының бір бөлігі есебінде қөрінеді.
Заң-құқықтық негіздері. Еліміздегі дене тәрбиесінің жүйесі оның қалыпты қызмет етуін реттейтін белгілі бір нормативтік құжаттарға, актілерге сүйенеді. Бұл құжаттардың әр түрлі заң күші бар (қаулылар, заңдар, жарлықтар, нұсқаулар). Олардың ішінде еліміздің жаңа 1995 жылғы 30 тамызда қабылданған Конституциясының алар орны ерекше (29-бап). Бұл бапта Қазақстан Республикасының азаматтарының денсаулығының сақталуы арнайы атап көрсетілген. Қазақстан Республикасы Үкіметінің 1995 жылғы 24 қарашадағы №1593 қаулысында спортты және дене тәрбиесін нақтылы жақсарту шаралары белгіленген. Бұлардан басқа ұйымдар мен мекемелердің дене тәрбиесімен қамтамасыз ететін, сонымен бірге қызмет көлемін анықтайтын өлшемдік құжаттар да бар (олар – балабақшалар, лицейлер, гимназиялар, колледждер, мектептер, кәсіптік- техникалық училишелер, орта және жоғары оқу орындары т.б.).
|
