ДК ТАҢБА ГЕНЕРАТОРЛАРЫНЫҢ КОДТАУ НҰСҚАЛАРЫ IBM PC ДК стандартты таңба генераторы символдарды Қ2.1-сурет-те көрсетілгендей кодтайды. Кодтары 0-ден 127-ге дейінгі таңба генера-торының бірінші жартысын құрайтын символдар (Қ2.1, а-сурет), ASCII стандарты бойынша құрастырылған жəне барлық IBM-үйлесімді ДК үшін бірдей. Екінші символдар бөлігі (128...255 дейінгі кодтар) əр типті ДК үшін əр түрлі болуы мүмкін. IBM фирмасының стандартты таңба генераторында псевдографика символдары қатар орналасқан үш бағанада (176...223 код-тары, Қ2.1, ə-сурет) берілген. 128-ден 175-ке дейінгі жəне 224-тен 239-ға дейінгі кодтар жазылған бағаналар кейбір ұлттық символдарды жазу үшін қолданылады. Ал соңғы бағана (240...255 кодтар) – арнайы белгілерді жазу үшін қолданылады. Шет елдік программалардың көбі символдардың осы орналасуын негізге ала отырып құрастырылады.
