М Малдардың көбею биотехнологиясы – генетикалық басымды малдарды
молайту мақсатында, оларды жедел қарқында көбейту үшін, жануарлардың
репродуктивтік мүмкіндіктерін толық пайдалану əдістері.
Мацерация (лат. maceratio - жұмсарту, жібіту) – өсімдік (ағза) жасушаларын
бөлу (ажырату), жасуша аралық заттарды жою немесе еріту мақсатымен істелетін
əрекеттер.
МБС сериялы микроскоптар – эмбриондарды бағалау, сұрыптау мен
іріктеуге арналған ұлғайтқыш құрал.
Мегаспора (гр. megas - үлкен, spora - тұқым) - əртүрлі спорасы бар жоғары
сатыдағы өсімдіктердің ірі гаплоидтық жасушасы, ол аналық жасушаның бастамасы
болып табылады.
Мейоз (гр. meiosis – кему, азаю) – жасушалардың бөлінуінің ерекше жолы,
əдісі, оның нəтижесінде хромосома сандары редукцияланып, азайып, екі еселенген
диплоидтық жағдайдан тұтас сыңар гаплоидтық жағдайға өтеді.
