Оқулық Ә.Ә. Шортанбаев, С. В. Кожанова. Алматы, 2008. 2
жүктеу/скачать 9,99 Mb. Pdf көрінісі
|
|
Аллергиялық аурулардың диагностикасы Бүгiнгi күнде, халықтар арасында аллергизацияның жайылуына және гельминтоз жиiлiгiнiң жоғарылауына байланысты IgE мөлшерiн анықтау маңызды. Қалыпты жағдайда қан сарысуында IgE мөлшерi жоғары болмауы керек. IgE қалыпты деңгейi әртүрлi халықтар тобының популяциялар арасында айырмашылықтар болуы мүмкiн (ер адамдарда IgE деңгейi 20-дан 60 жас аралығында 380 МЕ/мл, ал сол жастағы әйелдер арасында - 175 МЕ/мл жетуi мүмкiн). Бiрақ келтiрiлген көрсеткiштердi жуықтап қолдануға болады, және әр зертханаларда, қан сарысуындағы Ig E қалыпты концентарциясының шекарасын есептеу туралы кеңес берiледi. Мысалы, Алматы қаласында сау адамдардың сарысулық IgE деңгейi шамамен 40 МЕ/мл құраған, ал Будапештте - шамамен 135 МЕ/мл құрайды. Сарысулық IgE өте жоғары концентрациясы паразитарлық ауруларда байқалуы мүмкiн. IgE деңгейiнiң жоғарылауы, аллергиялық риниттер, атопиялық бронх демiкпесi, атопиялық дерматит, жүйелi анафилаксия, ангионевротикалық iсiну сияқты аллергиялық аурулары бар науқастарда жиi кездеседi. Белгiлi бiр антигенмен кездескеннен кейiн, қалыпты IgG немесе IgM кластарының орнына жоғары мөлшерде IgE өндiрiлу қабiлетi генетикалық детерминанттылық белгiсi болып табылады және кейбiр жағдайда жанұясының бiреуiнде кездеседi. Осындай генетикалық ерекшелiгi бар кейбiр адамдарда аллергиялық ауру, мысалы, бронх демiкпесiнiң дамуына әкеледi. Қан сарысуында IgE деңгейiнiң жоғарылауын анықтаған жанұяда, аурудың дамуын болжауға болады. Кейбiр жағдайда атопия, көбiнесе, моносенсибилизация кезiнде, аурудың айқын симптомына қарамастан, IgE деңгейi аз мөлшерде жоғарылауы немесе деңгейi қалыпты болуы мүмкiн. Ересек адамдардың қан сарысуында Ig E концентрациясының келесi көрсеткiштерi тән: IgE концентрациясы 25 МЕ/мл тең немесе одан төмен болуы – атопиялық аурудың бар екенi күмәндi; IgE концентрациясы 25-100 МЕ/мл шамасында – атопиялық ауруды жоққа шығаруға болмайды; IgE концентрациясы 100 МЕ/мл жоғары – атопиялық аурудың болуы күмәнсiз, себебi, аллергенге арнайы IgE меншiктi мөлшерi жоғары және базофилдер рецепторына арнайы және арнайы емес IgE аз бәсекелестiгiмен түсiндiрiледi. Аллергиялық аурулардың диагностикасында келесi лабораторлық әдiстер қолданады. жүктеу/скачать 9,99 Mb. Достарыңызбен бөлісу:
|