Оқулық «гэотар-медиа»
жүктеу/скачать 12,15 Mb. Pdf көрінісі
|
Геппе каз
| 152
Қабырғалар. Олардың саны қосымша (мойын және бел) қабырғалар дамуының әсерінен артуы немесе кемуі (ХІІ, сирек жағдайда ХІ қабырғаның болмауы) мүмкін. Сонымен қоса қабырғаның алдыңғы шетінің жарылуы немесе бірігуі, төсте тесік немесе жарылу болуы мүмкін. Сирақтар. Жамбастың тума шығуы жиі кездеседі – ұршық ойысының жалпақ болуы және сүйек ядросының гипоплазиясымен жоғарғы қабатының қисаюы; сан сүйегі басының алға ығысуынан жамбасының шығуына алып келеді. Туғаннан аяқ-қолдың жоқ болуы (амелия); кеуденің қысқаруымен жүретін бұғананың патологиялық дамуы немесе болмауы; шыңтақ өсіндісінің білек сүйекпен бітіспеуі немесе соңғысының болмауы; қосымша білек сүйектің, толарсақтың, саусақтардың дамуы (полидактилия). БУЫН СҮЙЕКТЕРДЕГІ АУЫРСЫНУ, ЭНТЕЗОПАТИЯЛАР Сүйектегі ауырсыну сыну, остеомиелит, қан аурулары (лейкоз), ісік т.б. жағдайларда болады. Балаларда бой созылу кезеңінде сүйектердің бұлшықет-байлам аппаратына қарағанда тез дамынан «өсу ауырсынуы» пайда болады, ол гипоксия және бұлшық ет керілуімен негізделеді. Жалпақ табан, гиперурикемия кезінде балаларда түнгі уақытта аяқ ауырсынуы байқалуы мүмкін. Артралгия көптеген инфекциялық және ревматикалық ауруларға тән. Көңіл-күйі қанағаттанарлық болғанымен физикалық жүктемеден кейін пайда болатын және қалыпты жағдайда бәсеңдейтін жамбас-сан буынында ауырсынудың болуы сан сүйек басының тұқым қуалайтын асептикалық некрозына тән (Пертес ауруы). Энтезопатия – Шлаттера ауруы, ювенильді спондилоартрит, Рейтер ауруы (реактивті артрит), жас өспірімдердегі транзиторлы ахиллиттер, остеопороз, ауыспалы фибромиалгияға және т.б. тән байлам, сіңір аймағындағы ауырсыну. СҮЙЕК ЖӘНЕ БУЫН ДЕФОРМАЦИЯСЫ Сүйек деформациясы туа және жүре пайда болған әртүрлі патологиялардың симптомы болуы мүмкін. Хондродисплазияға патологиялық өзгерістердің эпифизде, метафизде және диафизде орналасатын қаңқа, тұлға және аяқ-қол өлшемдері мен пішіндерінің аномалияларына тән. Мешелге сүйек жұмсаруы немесе остеоидты тін гиперплазиясы түрінде өтеді, оларға тән: 153 үлкен еңбек жиектерін қалыптастыратын сүйектердің жұмсаруы, краниотабес, қаңқа сүйектерінің деформациясы (шүйде сүйегінің жайпақтануы, маңдай және қарақұс төмпешігінің үлкеюі); кеудеде Гаррисондық ізі мен «четкалар» қалыптасуы; шыңтақ және кішіжіліншік сүйегінің дистальді эпифиз аймағында «білезікшелер» пайда болуы; аяқ деформациясы (вальгустік немесе варустық), омыртқа жотасының кифозы; тіс шығуының кешігуі және ретсіз дамуы, тістестіру дұрыс қалыптаспауы. Мешелге ұқсас аурулар тән сүйек деформациясы және остеомаляциясымен сипатталады. Екі жастан асқан балаларда бұл патология ішектерден кальций иондарының шығарылуы жеткіліксіздігімен немесе кальций және фосфор иондарның зәрмен жоғалуымен, сонымен қатар Д витамин алмасуының туа пайда болған бұзылысымен түсіндіріледі (белсенді метаболиттер қалыптаспайды немесе оларға рецепторлардың сезімталдығы жойылған). жүктеу/скачать 12,15 Mb. Достарыңызбен бөлісу:
|