Медициналық (биологиялық) статистика және денсаулықты бағалаудағы оның атқаратын ролі. Статистиканың ең маңызды бір тармағы медициналық статистика болып табылады. Ол медицинадағы көптеп кездесетін көріністер мен үрдістерді зерттейді. Медициналық статистиканың құрамында санитарлық статистика деген саласы бар. Бұл сала қоғамдық денсаулық пен денсаулықты сақтау туралы ғылымның құрамдық бөлімі. Денсаулық статистикасы жалпы қоғамның оның жеке топтарының денсаулығын зерттейді және денсаулықтың әлеуметтік орта себептерімен байланысын анықтайды. Денсаулық сақтау статистикасы медициналық және санитарлық мекемелердің таралуы, қызметі мен мамандары туралы деректерді талдайды. Аурулардың профилактикасы мен емдеу шараларын ұйымдастыру тиімділігін бағалайды. Статистика мен статистикалық әдістер медицина ғылымында және денсаулық сақтау тәжірибесінде кеңінен қолданылады.
