8.4. Салауатты өмір сүру денсаулықтың қалыптасуына әсер ететін негізгі себеп ретінде. Денсаулықтың биологиялық-әлеуметтік және психологиялық себептері.
Тұрғындардың денсаулығын сақтау және күшейту дегеніміз – қоғамның және әрбір адамның денсаулыққа әсерін тигізетін себептерді бақылауына мүмкіндік жасау үрдісі болып табылады. Академик Ю.П. Лисицынның жүргізген зерттеу жұмыстарының нәтижелері, тұрғындардың аурушаңдығын туындататын себептердің ішінде өмір сүру салты себептері бірінші орын алатындығын көрсетті. Өмір сүру салты себептерінің денсаулық көрсеткіштерінің қалыптасуына қосатын үлес салмағы 50 % асады. Ал, тұқым қуалағыштық қасиеттің қосатын үлесі 15-20 % жетсе, қоршаған ортаның ластануынан туындайтын денсаулық көрсеткіштерінің артуы 10-15% жетеді. Денсаулық көрсеткіштерінің қалыптасуына әсер ететін зиянды себептерді денсаулыққа қатер туғызатын себептер деп атайды. Бұл жағдай тек қана денсаулық көрсеткіштерінің қалыптасуында орын алмайды, сонымен қатар созылмалы түрде жүретін аса үлкен әлеуметтік маңызы бар патологиялардың қалыптасуында да байқалады.
Көптеген ғалымдардың зерттеу нәтижелерін сараптау, негізгі бейэпидемиялық аурулардың қалыптасуына өмір сүру салты, генетикалық, экологиялық-гигиеналық және медициналық себептердің қосатын үлесін анықтауға көмектесті.(29 кесте)
Достарыңызбен бөлісу: |
