Түйін Құрама әліпби талданымы 42 әріп/дыбыстың жіктеліміне арналды. Сондықтан да қазақ тілінің төл
дыбыстарының жіктелім белгілері мен кірме дыбыстардың жіктелім белгілері араласып жүрді. Дыбыс
белгілерінің атауы орысша/қазақша болып қатар пайдаланылды: эксплозив/тоғысыңқы, фрикатив/ызың, спирант/сүзілмелі, билабиал/еріндік т.б. Дыбыс анықтамалары орыс тілінің ұқсас дыбыстарының
анықтамаларын қайталап отырды. Мысалы, орыс тілінің тіл арты к дауыссызына қарап қазақ тілінің к дауыссызы да тіл арты болып саналды. Көп жағдайда зерттеушілер талданым желісінің артикуляциялық кезек
реті сақталмай отырды. Жасалым және естілім атаулар аралас қолданылып келді.
