Қазақстан республикасы денсаулық сақтау министрлігі
жүктеу/скачать 2,48 Mb. Pdf көрінісі
|
|
~7~ КІРІСПЕ Экономикалық жəне құқықтық білім негіздері оқу пəні таңдау пəні жəне ЖОО - ның ішкі компонентінде қарастырылады. Экономикалық жəне құқықтық білім беру негіздері жалпы білім беру пəндер жүйесінде ерекше орын алады, себебі, екі ғылымды - экономикалық жəне құқықтық білімдерді қамтиды. Пəн нарықтық экономиканы қалыптастыру жағдайындағы құқық рөлін зерттейді. Пəн болашақ дəрігерлерге əлеуметтік - экономикалық мəселелерге, мінездемелі сұрақтарға бейімделуге көмектесуге арналған, сондай - ақ адамның экономикалық қызметке қатысуға дайындығын көрсету қабілетін, қоғамдық өмірді құқықтық реттеу тетіктері мен құралдарын пайдалану мүмкіндігін сипаттайды. Экономикалық жəне құқықтық білім беру негіздері пəнін оқыту мақсаты қоғам дамуының экономикалық жəне құқықтық үлгілері туралы білім жүйесін қалыптастыру жəне оның тиімді жұмыс істеу мəселелерін қамтиды . Экономикалық жəне құқықтық өмірдегі күрделі құбылыстарды жəне үрдістерді тəуелсіз талдауда студенттердің дағдыларын дамыту, медицинадағы экономика мен құқық рөлін түсіну, экономикалық жəне құқықтық құбылыстар туралы қажетті білімді беріп, студенттерді тұжырымдамалық ақпаратты қалыптастыруға үлес қосады. Қазақстан Республикасының алдында тұрған мемлекеттік жəне əлеуметтік - экономикалық жəне құқықтық саясатты іске асыруда экономикалық жəне құқықтық дүниетанымдық жəне белсенді азаматтық ұстанымды қалыптастыру. Экономикалық жəне құқықтық білім негіздері пəнін оқытудың міндеттер і ретіне мыналар қарастырылады: - экономика жəне құқық саласында білім жүйесін қалыптастыру; - қабылданатын шешімдердің құқықтық салдарын түсіндіру; - нақты жағдайдардың талдамасын жасау мүмкіндігі; - экономикалық жəне құқықтық тұжырымдамалық ақпаратты қалыптастыру ; - жалпы денсаулық сақтау мен медицина жүйесіндегі экономика жəне құқықтың рөлін түсіну; - экономика жəне құқық саласындағы нормативтік - құқықтық базаның ерекшеліктерін анықтау; - экономикалық жəне құқықтық əдебиеттермен жұмыс істеу дағдыларын қалыптастыру ; - кəсіпорындарды құруда ұйымдастыру - құқықтық мəселелерін шеше білу, еңбек қатынастарын, жалақыны төлеуде, еңбек төлемдері формаларын реттейтін еңбек заңнамасының негізгі ережелерін білу. Қазіргі кезде Қазақстан Республикасының денсаулық сақтау саласын нарықтандыруға сəйкес заман талабына сай экономикалық ой - өрісі қалыптасқан мамандарды дайындауды қажет етеді. Осы мақсатты жүзеге асыру үшін болашақта денсаулық сақтау саласында қызмет ететін мамандарды нарықтық экономиканың қоятын талаптарына жауап бере алатын бəсекеге қабілетті, ~8~ халықтың сұранысын қанағаттандыра алатын мамандар дайындауда бұл оқу құралы маңызды орын алады. Бəсекеге қабілетті дəрігер мамандарының өз құқықтырын, жауапкершіліктері мен міндеттерін, ҚР əрекет ететін заңнамаларға сəйкес өз құқықтарын толығымен білу - осы оқу құралына теориялық қамтамасыз етілген. Бүгінгі күнгі экономикалық, құқықтық ілімдер əртүрлі ғылыми мектептер мен бағыттардың жетістіктерінен құралады, сондай - ақ Қазақстан Республикасының Президенті Н.Ə. Назарбаев «Мəңгілік Ел» патриоттық актісі бойынша рухани құндылықтарымыз бен ұмтылыстарымыздың негізгі форматын ұрпақтан ұрпаққа жеткізуіміз тиіс. Онда экономика мен саясаттың, құқықтық жəне ынтымақтастықтың, мораль мен діннің мəселелері, Қазақстанның жаһандық əлемдегі орны жөніндегі көзқарастарымыз бір арнаға тоғыстырылған. Сондықтан, осы оқу құралына актінің экономикалық жəне құқықтық қырларын талдау мақсатына жеке тақырып ретінде енгізіп отырмыз. Əр саланың құқықтық қарым - қатынастары, науқастар мен дəрігерлер арасында этикалық нормадан бастап, əр тараптардың жауапкершілікте болуы күн өткен сайын заман талабына сай қызмет етуі нақтылануда. Экономикалық жəне құқықтық білім негіздері - ресурстардың шектелген жағдайында қажеттіліктерді қамтамасыз етуді көздеген адамдар мен топтардың материалдық игіліктер мен қызметтерді өндіру, бөлу, айырбастау жəне тұтынудағы іс - əрекеттерін зерттеп, қандай құқықтарға ие екенігін талдайтын қоғамдық ғылым. Экономикалық өсу жəне құқықтық сауатты болу - қоғамдық еңбек нəтижесін, оның өнегелік, рухани сипаттамаларын , бəсекеге қабілетті маман болуына өз септігін тигізеді . Экономикалық жəне құқықтық білім негіздерінің зерттеп тану объектісіне нарықтың қызмет ету механизмі мен нарықта жəне оның сегменттерінде бар болатын жетілген жəне жетілмеген бəсеке, жеке шаруашылық аймақтардың монополиялану дəрежесі, бағалық жəне бағалық емес бəсекенің формулалары мен əдістері, нарық қатынастарын реформалаудың бағыттары мен тəсілдері, құқық жүйесі, мемлекет пен құқықтық негіздері ұғымдары мен санаттары, медициналық қызметтің құқықтық негізі, ҚР конституциялық жəне əкімшілік құқық негіздері, ҚР азаматтық жəне қылмыстық құқық негіздері, дəрігерлік қателік жəне оған жауапкершілік, дəрігерлік салғырттық, ҚР құқық қорғау органдары, экологиялық жəне халықаралық құқық негіздері, қоғамдық денсаулық сақтау салалары бойынша талдаулар келтірілген. Экономикалық жəне құқықтық білім негіздері пəні бойынша келтірілген тақырыптар мазмұны «Саясаттану», «Қазақстанның қазіргі заманғы тарихы» , «Философия», «Əлеуметтану» сияқты бірнеше пəндермен тығыз байланысты екендігін көрсетеді. Бұл оқу құралы жоғарғы оқу орындары студенттерінің экономикалық білімдерін жетілдіруге , құқықтық сауаттарын ашуға, экономикалық жағдайларды заңдық жағынан талдай білуге, қорытынды жасауға, бағалауға мүмкіншілік беретін тереңдету құралы. жүктеу/скачать 2,48 Mb. Достарыңызбен бөлісу:
|