1. Науқаста ақтық жағдайдың қай түрі дамыды? 2. Ақтық жағдайдың осы түріне заттек алмасуының қай түрі тән? 3. Қандай ықпалдар осы жағдайдың ағымын қиындатады да өлімге әкеледі? I.1-13 жағдаяттық тапсырма Науқас А., 27 жаста, асқазаннан көп қан кетуден дамыған ауыр жағдайда ауруханаға
жеткізілді. АҚ 70/40 мм сынап бағанасы бойынша, пульс – 140 мин
-1
, кернеулігі және
толуы әлсіз. Тыныс алуы жиі, үстіртін. Тері жамылғысы дақ тәріздес (мәрмәр түсті)
боялған. Жүргізілген емдеу шараларына қарамай, науқастың жағдайы нашарлай берді:
рефлекстері жойылып, ақтық үзіліс байқалды. Қысқа уақыт ішінде науқастың жағдайы
жақсарды – науқас есіне жинады, рефлекстері пайда болды. Бірақ, осыдан кейін тыныс
және қан айналымның тоқтағаны байқалды. Реанимациялық шаралар тиімсіз болды.
1.Науқаста қандай жағдай дамыды? Оған толық анықтама беріңіз. 2.Науқастың терісінің «мәрмәр түсті» болуында қандай бұзылыстар жатыр? 3.«Ақтық үзіліс» дегеніміз не? I.1-14 ЖАҒДАЯТТЫҚ ТАПСЫРМА Науқас С., 72 жаста. 25 жыл бойы жүректің ишемиялық ауруымен науқастанады.
Анамнезінде: 2 рет миокард инфарктын басынан кешірген. Қазіргі уақытта миокардтың 3-
ші инфаркты дамуынан кардиологиялық бөлімшедегі қарқынды емдеу палатасында
жатыр. Науқастың жағдайы тым ауыр. Дем алуы бұзылған: демді ішке алуды және сыртқа
шығаруды қамтамасыз ететін тыныс бұлшық еттері бірден қозып, жиырылады. Тыныстық
қимылдардың амплитудасы өсіп, шегіне жеткенде қайтадан төмендеп, тыныс тоқтайды.
20-30 минөттен кейін тыныс кезеңдерінің бұзылыстары қайтадан басталады. Тыныстың
пайда болуы кезінде ірі артериялардың тамыр соғысы, көз қарашығының және корнеальді
рефлекстері, есі қалпына келеді. Бірақ, жоғарыда аталған әйгіленімдер әлсірегенде жүрек
жиырылуының және тыныстың қалпына келуі де тежеледі. Науқас 5 минөт ішінде осы
жағдайда болып, соңынан қайтыс болды.
