142-бап. Отбасының басқа мүшелерінен сот тəртібімен өндіріп алынатын алименттің мөлшері 1. Осы Заңның 139-141-баптарында аталған адамдарға
алименттің мөлшері мен оны төлеу тəртібі тараптардың
келісімімен белгіленуі мүмкін.
2. Тараптардың келісімі болмаған жағдайда сот тəртібімен
өндіріп алынатын алименттің мөлшерін сот əрбір жеке жағдайда
алимент төлеуші мен алушының материалдық жəне отбасы
жағдайы мен тараптардың назар аударарлық басқа да
мүдделерін ескере отырып, алимент төлеген кезде қолданылып
жүрген есептік көрсеткішке еселенген қатынаста белгілейді.
3. Егер отбасының алимент талап етуші мүшесін бір мезгілде
бірнеше адам асырап-бағуға міндетті болса, сот олардың
материалдық жəне отбасы жағдайына қарай əрқайсысының
алимент төлеу міндеттерін орындауға қатысу мөлшерін
белгілейді. Алимент мөлшерін белгілеу кезінде сот, алимент
төлеуге міндетті барлық адамдардың бəріне, олардың біреуіне
немесе олардың бірнешеуіне талап қойылғанына қарамастан, сол
адамдардың бəрін ескеруге құқылы.
