8.12.4 Сериялық ұйымдастырылған үздіксіз ашыту ағыны Этанолды қантты толық пайдаланып немесе этанолдың жоғары шоғырлануы бар үздіксіз
ағынымен биореакторларды пайдалана отырып алуға болады. Егер екі биореактор ретімен
орналасқан болса, ұстап қалу уақытын қантты бірінші биореакторда ішінара ғана, екіншісінде
ферменттеу аяқталғаннан кейін пайдаланатындай етіп таңдауға болады. Бірінші биореактордағы
этанолдың тежейтін әсері төмендейді, бұл өнімділікті арттыруға мүмкіндік береді. Екінші әлсіз
өнімді биореактор енді автономды жұмыс уақыты кезіне қарағанда аз қантты түрлендіре алады.
Өнімнің жоғары шоғырлануы кезінде екі сатылы жүйенің өнімділігі бір сатылы жүйеге қарағанда 2,3
есе жоғары болды [55, 86].
Ашытқының қайта айналуы бар этанолды екі сатылы ағынды ферменттеу үдерісі " Danish
Distilleries Ltd.", Грена компаниясының өнеркәсібінде сірнені ферменттеу үшін қолданылады (8.7 –
суретті қараңыз). Көлемі 170 000 л екі биореактор 21 сағ уақыт ішінде 66 г/л этанолды құрады [55].
Нидерландыда сондай-ақ 8 сағаттық ұстау кезінде 86 г/л этанол өндіру үшін жеті биореактордан
тұратын сериялық жүйе (көлемі 70000 л әрбір биореактор) қолданылды [87]. Жапон компаниясы 95
г/л этанолды алу үшін 8,5 сағ ұстап тұру уақытымен алты биореактордан тұратын сериялық жүйені
(жалпы көлемі 100 000 л) қолданды. [88].
