Дәріс - жоғары мектептердің оқу-тәрбие үрдісінде жетекші орын
алады. Дәрістің негізгі мақсаты - оқу үрдісінде өтетін оқу пәнінің мазмұны
мен мәні жайындағы студенттердің жүйелі ұғымын қалыптастыру, пәннің
ғылыми-практикалық аясына сәйкес оның даму принциптері мен
заңдылықтарын, сондай-ақ алған білімді практикада қолдана алуға үйрету,
ұғындыру, бағыт беру.
Жоғары оқу орындарында дәріске дайындалу және оны жүргізу барысында келесі талаптарды ескеру қажет: - дәріс мазмұнының типтік жоспар мен жұмыстық оқу жоспарына
сәйкестілігін қадағалау;
- дәрісте ғылым мен педагогикалық ойлардың соңғы жетістіктерін және
сол мәселелердің болашақтағы қарастырылу бағытын айқындау;
- студенттердің назарын дәріс мазмұнында қарастырылатын негізгі,
жетекші ойларға шоғырландыру;
- пәнішілік және пәнаралық логикалық байланысты жүзеге асыру; дәріс
мазмұнын аудиториялық және аудиториядан тыс өтетін басқа да
жұмыстармен үйлестіру, байланыстыру;
- дәріс мазмұнын еркін баяндау шеберлігін меңгеру;
- қосымша оқу құралдарын (ТОҚ,көрнекі құралдар) негізді, дәріс
мазмұнына сай қолдана білу;
- аудиторияның эстетикалық және санитарлық-гигиеналық өлшемдерін
сақтау.
