Ғаламның тілдік бейнесі – дүниені концептуалдаудың белгілі бір
амал-тәсілі және сол бір тілдік ұжымның қарапайым санасында тарихи
қалыптасып, ғалам жайындағы көзқарастар жиынтығының тілдегі көрінісі.
Ғаламның концептуалды бейнесі –
ақиқат
болмыстың
интерпретацияланған түрі, ол концептілер жүйесінен тұрады және вербалды
формаға ие бола алады. Ғаламның концептуалды бейнесінің вербалданған
бөлігін ғаламның тілдік бейнесі деп атайды.
Ғалам бейнесі адам концепциясының өзекті ұғымы, оның өмір сүру
ерекшелігін айқындайды. Ғалам бейнесі ұғымы адамзат болмысының
ерекшелігін айқындайтын ұғымдар қатарына жатқызылады және ғаламмен
өзара қарым-қатынасын сипаттайды да, оның ғаламда өмір сүруінің басты
шарты болып табылады.
