Зерттеу әдістері. Зерттеу барысында сипаттамалы, салғастырмалы,
интерпретациялау
әдістері,
сондай-ақ
тілдік
деректерді
түрлі
концептуалдық және дискурстық талдау және жаппай талдау, жүйелеу,
салыстыру, фреймдік талдау тәсілдері қолданылды.
Зерттеудің жаңалықтары. Зерттеу жұмысында қазақ және ағылшын
қиял-ғажайып ертегілеріндегі концептуалды ғалам бейнесі алғаш рет
салғастырмалы кешенді түрде зерттеліп, олардың ұлттық табиғаты ашылып,
негізгі мәденитанымдық маркерлері көрсетіліп, ғаламның тілдік бейнесі мен
ғаламның концептуалды бейнесі ұғымдарының аражігі анықталып, басты
сценарий түрлері мен фрейм үлгілері айқындалып, базалық концептілердің
даму, қалыптасу заңдылықтары дәлелденді. Ертегі дискурсының үстіңгі және
терең құрылымдар ұғымдарының өзгеше интерпретациясы ұсынылып,
олардың негізінде болатын басты когнитивтік категориялар сипатталды.
