49-сурет. Малимо машинасында негізгі ілмекқалыптастыру бөлшектерінің орналасу сызбасы IV кезең. Тойтарма платиналардың көмегімен бұрынғы
қатардың ілмектері қозғалмалы инелерден түсіріледі және олардың
ілгектерінде жаңа ілмектер 9 ілініп тұрады. Қозғалмалы иненің кері
жүрісі, инелердің ілгектері болатты пластинкадан 1 мм қашықтықта
тоқтағанда бітеді. Ал бұл уақытта қозғалтқыштар 1,4 мм-ге өзінің
қозғалысын жалғастыра береді.
Көзшелі инелер солдан жоғары қарай жылжиды және осы
кезеңнің соңында екі қозғалмалы иненің арасында болады.
Соңғы ілмекті қатардың жасалуы кезінде көзшелі инелер оңға
қарай айналмалы қозғалыс жасайды. Екі көрші ілмекті қатардың
тоқылуы кезінде тігу жіптеріне арналған көзшелі инелердің қозғалыс
траекториясы трико өрімінде созылған сегіз түрінде болады. Ал
тізбекше өрімі кезінде көзшелі инелердің қозғалу траекториясы
эллипс формасында болады.
