ҚазаҚстан мұсылмандары діни басҚармасы АллАғА мАдАқ (таңдаулы діни өлеңдер) алматы, 2010
жүктеу/скачать 2,13 Mb. Pdf көрінісі
|
Allaga madak
| Нұрбек Түсіпхан,
Алматы қаласы. әЗ ПАЙғАмбАР мҰХАммЕд (с.А.У.)! Әуелі жалғыз Аллаһ ием менің, «Лә иләһә иллаллаһ» сүйенгенім. Пәк Мұхаммед (с.а.у.) үйреткен жол болмаса, Мен де қарғыс қамытын киер ме едім?.. Әз Мұхаммед (с.а.у.) «ғаламның рақым нұры», Артынан ерте білген ақылдыны. Құран Кәрім Аллаһтың адам үшін, Жіберілген фаниге ақырғы үні. Екі әлем сардары, асыл текті, Үмбеті үшін қол жайып, жасын төкті. Тілегі қабыл болып, содан бері, Мұсылманбыз, қаншама ғасыр өтті. Әз пайғамбар (с.а.у.) біз үшін аянбады, Аллаһтың тура жолын баяндады. Тез арада әлемге тарап жатты, Жәбірейіл (а.с.) жеткізген аяндары. Жалғыз шамам келмес деп жабықпады, Ренжімеді, шаршамай жалықпады. Қанша қастық, теперіш көрседағы, Ойлағаны тек қана халық қамы. Айналасын «иманға келші» деді, «Сөзіме менің айтқан сенші» деді. Қайран елім, сендерге бағыт сілтеп, Аллаһтың өткен талай елшілері. 85 Таңдаулы діни өлеңдер «Жетті ғой түзелетін кезің», - деді, «Көмегі жоқ пұттардан безін» деді. «Жандарыңа қалайша батпайды екен, Ар-ұяты қызыңның езілгені?» Айта берді осылай уағыздарын, Үйретті исламның парыздарын. Исадан (а.с.) соң бір елші келер деген, Растады пайғамбарлық аңыздарын. Жетім менен жесірді жылатпады, Тәкаппар, өзімшілді ұнатпады. Азғырып, арбаушылар көп болса да, Ақ туын адалдықтың құлатпады. Адамзатқа үйретті ізгілікті, Мұсылман болсын деді бізді мықты. Әзәзілдің босанып бұғауынан, Ұл тақуа, бүгінде қыз қылықты. Тарихта өткен талай данышпандар, Азуы алты қарыс арыстандар. Әлемді өзім ғана билеймін деп, Құрып кеткен құдаймен алысқандар. Тегіне ешкім күнә дарытпайды, Мақтаудан, мадақтаудан жалықпайды. Алайда, пайғамбардың (с.а.у.) өміріндей, Үлгі болып ешбірі де жарытпайды. Өйткені бұл Аллаһтың қалағаны, Елшілікке лайық деп санағаны. 86 Аллаға мадақ Артынан ерген әрбір тақуа жан, Адаспайды, Аллаһқа бара алады. Адам азып, бақ құсын ұшырғанда, Сираттан өте алмай қысылғанда. Шапағатпен дем берер Әз Мұхаммед (с.а.у.) Бір Аллаһты таныған мұсылманға. Есімі ел есінде, жатталған-ды. Туғаннан күнәдән пәк, ақталған-ды. Өмірі өнегелі үмбеті үшін, Мұхаммед! (с.а.у.) Раббымыздан мақталған-ды! |