Жүргізілетін барлық пəндер бойынша студенттерге қойылатын
талап – теориялық білімді меңгеріп, практикалық дағдыны
қалыптастыру. Менің топтастарым мұны жақсы түсінеді.
Сондықтан кез келген пəннен берілген тапсырмаларды
уақытында орындап, жақсы баға алуға ұмтылады. Менің
топтастарымның əрқайсысы білімсіз болғысы келмейді. Себебі
қазіргі заман – білімділердің заманы. Егер терең білімің, білім
алуға ұмтылыс пен қызығушылығың болмаса, алысқа бара
алмайсың.
Менің тобымда ұйымдастырушылық қабілеті жоғары,
ізденімпаз, еңбекқор, белсенді, өнерлі, алғыр, зерек, ынталы,
сауатты, тəрбиелі, жауапкершілігі мол студенттер көп. Біз – өте
ұйымшылмыз. Сабақтан тыс уақытта қоғамдық жəне тəрбиелік
жұмыстарға да қатысамыз. Біріміз би билеп, екіншіміз əн
шырқап, мəнерлеп өлең оқимыз. Арамызда спортпен де
айналысатын студенттер бар. Менің топтастарым – менің
мақтанышым.
Оқылым тапсырмалары:
1-тапсырма. Екі бағандағы сөздерді сəйкестендіріңіз, сөз
тіркестерінен қалау райында сөйлем құрастырыңыз.
Сапалы Білімді
Теориялық Жұмыс
Білікті Студент
Спортпен Білім
Қоғамдық Ұстаз
Белсенді Сабақ
Практикалық Айналысу
2-тапсырма. Жоғары, еңбекқор, белсенді, өнерлі, тəрбиелі,
жауапты, алғыр, ынталы, сауатты сөздеріне қарама-қарсы мəнді
сөздерді жазыңыз.
Достарыңызбен бөлісу: 
