Клаус Шваб Төртінші индустриялық революция
жүктеу/скачать 4,97 Mb. Pdf көрінісі
|
Төртінші индустриялық революция (Клаус Шваб)
- Бұл бет үшін навигация:
- Жаңғырық -камера
| Гендік
дəйектілік (ағыл., segnencing) - реттілік, дəйектілік, биополимерлердің (белоктар мен нуклейн қышқылдары – ДНК мен РНК ) дəйектілігін анықтау – олардың аминқышқылы немесе нуклеотидтік реттілігін анықтау деген сөз. ДНК-ның жабық бөлшегін гендік дəйектеу нəтижесінде гендік бөлшектердің, тұтас гендердің, тіпті ағзаның толық геномдарының реттілігін анықтайды. Дефляция (лат., defilatio - үрлеу) – геологияда – топырақ пен тау жыныстарының желдің өтінен мүжіліп үгілуі. Дефляция мен басқа үгілу процестерінің бірлескен əсерінен тау жыныстарында ғажайып пішіндегі табиғи мүсіндер пайда болады. Экономикада - белгілі бір уақыттан кейін бағаның жалпы деңгейінің экономикалық белсенділіктің , инвестициялардың т.б. Қысқаруымен бірге төмендеуі. Дизрупция (лат., disruptus жыртылу, айырылу) - мəселен, биологияда табиғи сұрыптауда ажырау немесе бөліну арқылы пайда болатын түр, ондайда екі немесе одан да көп өзгерістерге жағдай туады, бірақ аралықта болатын белгілерге жол берілмейді. Соңғы кезде бұл термин іскерлік жəне басқарушылық ортада «дизруптивтік инновация» (дүмпу, жарылыс туғызатын инновация) деген ауыспалы, кең мағынасында қолданыла бастады. Бұл еңбекте де осы соңғы мағынада алынған . Біз оны сол күйінде қолдануды жөн көрдік. Домен (биологиялық) (ағыл., domain) – биология саласында бір немесе бірнеше «патшалыққа» топтасқан организмдер жүйесінің ең жоғары деңгейін (ранг) білдіреді. Былайша айтқанда, бірнеше хандықтың үстінен қарайтын «қағандық» дегенге саяды. Кейіннен бұл сөз əртүрлі ауыспалы мағынаға ие болған. Мəселен, Домен (домендік атау) – интернет жүйесіндегі символдар мен сандардан құралған сайттың атауы . Дрондар (ағыл., drone) - ұшқышсыз (автономды) басқарылатын ұшу аппараты . Dropbox - «бұлттық» дерек қоймасы, ол тұтынушыларға файлдарды клиент көмегімен немесе веб қолданып, оңаша серверлерге орналастыруға мүмкіндік береді. Сервистің тұрақты нұсқасы 2010 жылдың 16 желтоқсанында жарыққа шықты. Ең алғаш осы сервистің идеясы компанияның негізін қалаушы дрью Хьюстонда автобус арқылы Бостон — Нью-Йорк тас жолында жүріп келе жатқанда туындаған. Осы сапарда ол өзінің жиналмалы сақтаушысын ұмытып кетіп, бос отырмас үшін ноутбугын алып іске кіріскен. Нəтижесінде осы бағдарлама дүниеге келген. Мұнда файлдарды өзгерту үрдісі дельта-кодтау қағидатымен жүргізіледі. Клиент арқылы файлды жүктеудің өлшеміне шектеу болмайды, ал «веб» арқылы 300 Мб-тан артық файлды жүктеуге шектеу бар. Ортақ қол жеткізу үшін «Public» папкасы арқылы əртүрлі қолданушылармен файл алмасуға болады. Жобаларда бірлесіп жұмыс атқару мақсатында аталған сервис əртүрлі есептік жазба арқылы жұмыс істеуге «shared» папкасы көмектеседі. Бұл бағдарламада файлдарды автоматтық синхрондау қолжетімді. Windows, Mac OS жəне Linux сынды платформаларда ақпарат алмасуға мүмкіндік беретін «Dropbox» бағдарламасының ресми клиенті бар. Windows Phone 7 үшін осы бағдарламаны іске қосу жүргізілуде . Жаңғырық-камера - бұл – БАҚ термині. Белгілі бір идеяны немесе наным-сенімді төтелей жеткізу немесе оның жабық жүйе ішінде толассыз қайталау арқылы (партияластар, мүдделестер, одақтастар арасында) күшейте дарытуға немесе орнықтыруға қолайлы жағдай туғызу. Мұндайда оған ұқсас басқа ақпараттардың жолы кесіледі . Былайша айтқанда, айтылғанды талқылауға, балама ақпарат алуға жол берілмейді, пікірлестер оны сол күйінде қолдауы тиіс. |