Сабақтың барысы
Ұйымдастыру сәті. Сабаққа психологиялық тұрғыдан дайындалу (көңіл-күйлері туралы
сұрау, позитивпен бөлісу).
Уақыт: 5 минут
«Сергіту сәттеріне арналған жаттығулар жинағынан» кез келген жаттығуды таңдап,
орындау.
Уақыт: 5 минут
«Мың бір интонация» жаттығуы
Уақыт: 10 минут
Процесі:
Мұғалім-тренер оқушыларды шеңберге тұрғызып, шеңберге бір сөз айтады. Оқушылардың
міндеті – бұл сөзді әртүрлі интонациямен айту. Егер басқалар жауабын тапса, интонация
есептеледі. Егер оқушы жаңа интонациямен айта алмаса, онда ол шеңберден шығады. Сөзді
соңғы айтқан адам жеңеді.
Сөздер: музыка, жаңбыр, жүйрік көлік, үлкен кітап, ыстық шәй, достық.
Теориялық блок. Белсенді тыңдау техникасы
Уақыт: 5 минут
Вербалды емес белгілер:
- «көзбе-көз» байланысы – әр адам өз сөздеріне жауап ретінде қызығушылықты көргісі
келеді;
- дене қимылдары – ашық және жабық дене тұрыстарын кейін талдаймыз;
- дыбыстық қоспалар (м-м-м, ы-ы-ы, а-а-а, иә, хм...) – баяндаушыны бөлмей, әңгімеге
қатысып, жанашырлық білдіруге болады;
- ойларымыз бен сезімдеріміз – кез келген адамға көрінетін ең негізгі нәрсе, оған қарап,
диалогтың қаншалықты шынайы екенін білуге болады, сондықтан ішкі көңіл-күй сезіледі.
Вербалды белгілер:
- «Жаңғырық» тәсілі – сөйлеушінің мәлімдемесінен бір немесе екі негізгі сөзді қайталау;
- «Айна» тәсілі – сөйлеушінің ойын оның сөзімен қайталау;
- «Парафраза» тәсілі – сөйлеушінің ойын өз сөзіңмен, болымды түрде қайталау;
- «Қорытындылау» тәсілі – сөйлеушінің ойын қысқаша және жалпыланған түрде жаңғырту;
- «Ынталандыру» тәсілі – сөйлеушіні ашықтық пен сенім үшін ынталандыру: «Мұны маған
айтқаның үшін рақмет», «Пікіріңді білу мен үшін өте маңызды», «Мен бұл туралы
ойланамын».
БОЛАТ ӨТЕМҰРАТОВ ҚОРЫ
31
Достарыңызбен бөлісу: |
