Педагогикалық қызметтің жалпы сипаттамасы

Алдымен біз педагогикалық қызмет не үшін керек деген сұраққа жауап беріп көрелік. Біріншіден, өмір бойы өзін-өзі оқыту ,тәрбиелеу, өзін-өзі қалыптастырумен айналысқан адамды осы замандағы қоғамдағы нағыз кәсіп иесі деп айтуға болады. Екіншіден, “адам-адам” жүйесінде жұмыс жасайтын көптеген мамандықтар, педагогикалық - ағартушы қызметтердің негізін салады. Үшіншіден, білімнің ролі қоғамның әлеуметтік-экономикалық дамуында ауқымдану салдарынан дамудың ең негізгі қозғушы күші болып табылатыны белгілі. Төртіншіден, “педагогика” ғылымы адами- мәдениет пен осы заманғы ғылыми білімнің бір бөлігі болып табылады және көптеген тарихи бай тәжірбиелері бар, сондықтан әлемнің толық ғылыми бейнесін маманның дүниетанымдық көзқарасын, бастапқы педагогикалық білімсіз қалыптастыру мүмкін емес. Бесіншіден, қазіргі заманғы білімнің сапасына сауатты міндеттер қоя білу үшін, білім беру жүйесін білу қажет.