Бүгінгі күні де мектепке ерте келдік. Ахметова Айгерім 9А сыныпқа жаңа тақырып түсіндірді. Пән мұғалімінің қасында жүріп тапсырмалар орындадық. Оқушыларымды үзіліс арасында барып тексеріп жүрдім.
Сейсенбі 4.04.23
Бұл күні маған берілген сыныптарда биология сабағы болмаса да, мектепке келіп пән мұғалімі Гүлбану апайдың қасында жүріп тапсырмаларын орындадым. Педагог ретінде тәжірибе алмастық.
Сәрсенбі 5.04.23
Бүгінде мектепке ерте келіп, оқушыларымды түгендедім. Екі оқушы сабаққа келмегенін анықтап, ең бірінші сынып жетекшісі Тасқынбаева Жанна Самуратовнаға хабарлап, кейін оқушылармен байланысқа шығып, себебін анықтадым. 11.35_12.20 аралығында 8б сыныбына “Мүктер мен қырықжапырақтардың тіршілік циклі.Гаметофит.Спорофит” тақырыбында сабақ өткіздім Сабақта “Kahoot”, “Quizziz” дидактикалық тапсырмалар орындаттым.
Бейсенбі 6.04.23
Мектепке сағат 7:45 –де келіп, оқушыларды түгендедім, бір бала сабаққа келмегенін анықтап, хабарласып, себебін анықтадым. Автобус кешігуіне байланысты, кешігіп келетінін айтты. Ол оқушыны күтіп алып, сабағына кіргіздім. Сабаққа барлық оқушылар қатысып отырғанын Жанна Самуратовнаға хабарладым. Әрі қарай 08.50_09.35 аралығында 8а сыныпқа “Ашықтұқымды және жабықтұқымды өсімдіктердің тіршілік циклі” тақырыбында сабақ өткізіп, сабақ соңына қарай №9 БЖБ жұмысын алдым.
