1-параграф. Білім беру ұйымдарының басшыларын аттестаттаудан өткізу тәртібі
138. Білім беру ұйымдарының басшыларын аттестаттау лауазымға тағайындалған (жұмысқа қабылданған) сәттен бастап үш жыл өткен соң алты айдан кешіктірілмей жүргізіледі.
139. Білім беру ұйымдарының басшылары міндетті аттестаттау кезінде тиісті деңгейдегі комиссияға немесе осы Қағидаларға 24-қосымшаға сәйкес нысан бойынша ақпараттық жүйе арқылы өтініш береді.
140. Білім беру ұйымдарының (әдістемелік кабинеттердің (орталықтардың) басшылары міндетті аттестаттау кезінде осы Қағидалардың 4-тарауына сәйкес Біліктілік бағалауынан және эссе жазудан өтеді.
141. Білім беру ұйымдарының басшылары білім беру ұйымының басшысы лауазымында екі жыл болғаннан кейін тиісті деңгейдегі комиссияға немесе осы Қағидаларға 25-қосымшаға сәйкес нысан бойынша өзі үміткер біліктілік санатын көрсете отырып, ақпараттық жүйе арқылы ерікті аттестаттауға өтініш беруге құқылы.
142. Ерікті аттестаттау рәсіміне қатысатын білім беру ұйымының (әдістемелік кабинеттердің (орталықтардың) басшылары осы Қағидалардың 22-қосымшасында баяндалған талаптарға сәйкес келген жағдайда «басшы-ұйымдастырушы» немесе «басшы-менеджер» немесе «басшы-көшбасшы» біліктілік санаттарын беруге өтініш береді.
Біліктілік санаты үш жылға жарамды. Біліктілік санатының қолданылу мерзімі аяқталғанға дейін алты ай бұрын білім беру ұйымының басшысы ерікті аттестаттауға өтінішті қайта беруге құқылы.
143. Аттестаттаушы органның персоналды басқару қызметі білім беру ұйымдары (әдістемелік кабинеттер (орталықтар) басшыларының аттестаттау материалдарын комиссияға жібереді не басшының профиліне кіруді ұсынады.
144. Отырыс барысында Комиссия ұсынылған материалдарды немесе басшы профилін зерделейді.
145. Ұсынылған материалдарды немесе басшы профилін зерделеу нәтижелері бойынша Комиссияның әрбір мүшесі осы Қағидаларға 26-қосымшаға сәйкес нысан бойынша аттестатталатын басшыға/басшының орынбасарына/әдіскерге бағалау парағын толтырады.
146. Аттестаттаушы органның персоналды басқару қызметі аттестатталатын басшыға осы Қағидаларға 26-қосымшаға сәйкес нысан бойынша, басшының орынбасарына осы Қағидаларға 27-қосымшаға сәйкес нысан бойынша аттестаттау парағын ресімдейді.
147. Білім беру ұйымдарының (әдістемелік кабинеттердің (орталықтардың) басшыларын міндетті аттестаттау нәтижелері бойынша Комиссия мынадай шешімдердің бірін қабылдайды:
атқаратын лауазымына сәйкес келеді;
Достарыңызбен бөлісу: |
