3.4. Зерттеуді ұйымдастыру және өткізу жоспарын ББҰ ұжымымен, білім алушылармен, ата-аналармен және Тест өткізушімен пысықтау, растау
Сіздің білім беру ұйымыңызға тағайындалған Тест өткізуші зерттеуге 3 апта қалғанда Білім алушылардың зерттеуге қатысу формасынаенгізілген түзетулерді және зерттеу өткізу мәселелерін талқылау үшін хабарласады. Осы қоңырау барысында талқылануы тиіс сұрақтардың тізімі төменде көрсетілген:
PISA материалдарының Ұлттық орталықтан білім беру ұйымына келуі.
Білім алушылардың зерттеуге қатысу формасындажеткіліксіз мәліметтерді толтырып және білім алушылардың демографиялық мәліметтерінде байқалған кез-келген қатені түзету.
ЕББҚ бар білім алушылардың мәліметтерін білім беру ұйымындағы тиісті мамандармен пысықтау және Білім алушылардың зерттеуге қатысу формасын тиісінше түзету.
Білім беру ұйымы ұжымын, білім алушыларды және ата-аналарды ақпараттандыру рәсімдерін анықтау.
Тест өткізуші тұлғамен білім беру ұйымыңызда зерттеу өтетін күнді, уақытты және орынды анықтап келісу.
Тестілеу бірнеше кабинетке немесе ауысымға бөлініп өте ме, жоқ па анықтау алу.
Қажет болған жағдайда, «Компьютерлік диагностика нәтижелерін» талқылау.
Зерттеу өткізілетін күні көмек көрсететін қосымша қызметкерлердің жұмысын ұйымдастыруды талқылау.
Тест өткізушімен мынадай жағдайларға қатысты іс-шаралар тәртібін талқылау:
Зерттеуге кешігіп келгендіктен, зерттеуге қатыса алмайтын білім алушыларға қатысты жұмыс тәртібі;
Зерттеу барысында өзін нашар сезініп қалған және басқа да жағдайларға тап болған білім алушыларға қатысты жұмыс тәртібі;
Дәретханаға шығу немесе басқа да түрлі себептерге байланысты зерттеу өтіп жатқан кабинеттен шығу қажет болған білім алушыларға қатысты жұмыс тәртібі;
Зерттеу аяқталғаннан кейін білім алушыларды босату тәртібі;
Зерттеуді өткізуге кедергі келтіруі мүмкін кез-келген жоспарланған іс-шараларды анықтап, талқылау (мысалы, оқу-жаттығу дабылы);
Коронавирустық инфекцияға байланысты Санитарлық дәрігер бекіткен ережелерді сақтау.
Білім алушыларға зерттеуге өздерімен бірге қажетті заттарды алып келу қажеттілігін анықтау.
Зерттеу өткізілетін күні тест өткізушімен зерттеу басталғанға дейінгі (кем дегенде 1 сағат бұрын) кездесу уақытын белгілеу және қосымша тестілеу өткізу қажеттілігі мен зерттеудің жалпы қалай өткендігін талқылау жұмыстарын өткізу үшін зерттеу аяқталғаннан кейін өтетін кездесу уақытын анықтау.
Егер зерттеу өтетін орын зерттеу басталғанға дейін бір сағат қалғанда немесе аяқталғаннан кейін бос болмайтын болса, тест өткізушімен кездесуге басқа кабинет белгілеуіңіз керек.
Егер Сіздің ББҰ бақылауға таңдалған болса, PISA-ны өткізу сапасын бақылаушысымен тестілеу процедураларын талқылаңыз.
Мәселелерді талқылап болғаннан кейін, Сіз, білім беру ұйымы ұжымына, білім алушыларға, ата-аналарға зерттеудің өтетінін хабаралауыңыз керек және зерттеу өтетін кабинеттің дайын екеніне көз жеткізуіңіз тиіс. Сондай-ақ Сіз, тестілеуді ерте аяқтаған білім алушылар үшін тестілеу аяқталғанға дейін оқи тұратын кітаптар немесе журналдарды кітапханадан алып, дайындап қоюыңыз керек.
11>23>