Потенциал айырымы

Потенциалдар

Екі дененің эектр заряды деңгейінің айырмасы әдетте электрлік потенциалдар айырмасы немесе жай потенциалдар айырмасы деп аталады.

Катиондардың ерітіндіге өтуі металл мен ерітіндінің электрлік бейтараптығын бұзады. Туысқан катиондар әсерінен электрод – теріс, ал ерітінді оң зарядталады. Металдар мен ерітінді арасындағы қос электрлі қабат түзіліп, потенциалдар секірімі пайда болады. Металл бетінде еру процесімен катиондардың шөгуі жүреді. Металдың еру процесі – тотығу: Ме -z Меz+, ал тұнбаға түсуі – тотықсыздану процесі: Меz+ +z Ме. Электродтарда электр зарядының пайда болуы катиондардың ары қарай ерітіндіге өтуіне кедергі жасайды. Катиондардың концентрациясы белгілі шамаға жеткенде, ерітіндіде динамикалық, электрохимиялық тепе – теңдік орнайды, металмен ерітінді арасында катиондардың үздіксіз алмасуы нәтижесінде, ол металдың тотығу – тотықсыздануының жылдамдықтарының теңесуі Uт-т-ш = Uт-с-ш және металл мен ерітінді арасындағы тепе–теңдік потенциалдар айырымы орнауымен сипатталады. Егер металды өз тұзының сулы ерітіндісіне батырсақ, осыған ұқсас әсерлесу болады. Бұл кезде 3 түрлі жағдай болуы мүмкін: ●Таза суға қарағанда өз тұзының ерітіндісіне металл аз ион береді, сондықтан таза суға қарағанда металдың теріс заряды аз болады. ●Қос электрлі қабат пайда болмайтындай тұздың концентрациясын таңдап алуға болады. Мұндай концентрациялы ерітінділер «нөлдік» ерітінділер деп аталады. Электродтары «нөлдік» ерітіндіге батырылған гальваникалық элементтердің ЭҚК – і электродтарды түзуші металдардың жанасу потенциалына тең. ●Металл өте қиын тотығады, себебі металл катиондары өте мықты металдық тордан босап кете алмайды (бұл азактивті металдарға мыс, күміс, платина, т.б. тән), сондықтан ерітіндіден катиондардың шөгуі басталады. Бұл жағдайда металл оң зарядталады, ал ерітінді – ондағы қалған аниондардың артық шамасына байланысты теріс зарядталады