Күрке тауықтарды ет алу үшін ғана өсіреді. Сондықтан өнім бағыты жөнінен оларды сұрыптамайды .
“Қола” тұқымы АҚШ-та үй күрке тауықтарын жабайы және ағылшынның қара күрке тауықтарымен будандастыру арқылы алынды. Жабайы күрке тауықтардан олар қола түсті қауырсынды, сондай ақ дене құрылысының бітімін мирас етті қола күрке тауықтары томпақ кеудесімен, ұзын да жалпақ жауырынымен, биік, біршама жуан аяқтарымен ерекша көзге түседі. Баспен мойын терісінің құрылу түсі күрке тауық жағдайына байланысты қызылдан көгілдір-ақ түске өзгеріп отырады. Мойынының төменгі бөлігі мен жауырынның алдыңғы бөлігіндегі қауырсындардың түсі мыс-қола тәрізді келеді. Жалпы қауырсыны қара, тек қауырсын қанаттарының түсі ақ немесе көлденең жолақтары сұрғылт-ақ, құирық қауырсындары қоңыр көлденең жолақтармен қара күркң түсті болады. Ұрғашы тауықтарының қауырсындары соншалық жарқырамсайды. Олардың құйрығы қысқа келеді және тарамданбайды.
