Тура емес остеогенез-мезенхимадан дамыған шеміршектің орнына қалыптасып дамуы.
Постэмбриональды кезеңде сүйектің дамуы-физиологиялық және реперативті регенерацияға жатады.
Сүйек тінінің дамуында, сүйек дифферон қатарын түзетін жасушалар қатары: бағаналы, жартылай бағаналы, остеобласттар, остеоциттер болып жіктеледі. Бағаналы жасушалардан сүйек тініндегі остеокластар дамиды, бұлар ағзадағы макрофагтардың бір түрі.
Остеоциттер ( гр. ostcon-сүйек, cytus-жасуша) сүйек жасушалары. Бұлар санына қарай сүйек ұлпасының дефинитивті клеткалары, бөлінуге деген қасиетінен айрылған. Остеоциттердің компакті үлкен ядро және әлсіз базофильді цитоплазасы бар. Органеллалары әлсіз дамыған жасуша центриом жасушада табылған. Сүйек клеткалары сүйек беткейлерінде немесе лакуналарда жатады. Беткейлердің ұзындығы 22-55 мкм, ені 6-14 мкм дейін өзгеріп отырады. Сүйек беткейлердің каналдары ұлпалық сұйықтықпен толтырылған. Остеоциттермен қан арнасында зат алмасу ұлпалық сұйықтық арқылы жүзеге асады.
