Пәннің мақсаты мен міндеттері

Қазіргі қазақ тілі «қазақ филологиясы» мамандарын (бакалавр) дайындауда негізгі, фундаментальды пән болып саналады. Бұл бағдарлама «Қазіргі қазақ тілі» пәнінің бір бөлігінің – қазіргі қазақ тілінің құрмалас сөйлем жүйесі жөнінде оқытылатын бөлігінің мақсатын, мазмұнын белгілеуге арналған. Курс түгелдей алғанда бүгінгі күні жалпы халық қолданып жүрген қазақ әдеби тілінің (ауызекі, жазба варианттарының) фонетикалық, лексикалық, грамматикалық жүйесін ғылыми-теориялық негізде танытуды мақсат етеді. Құрмалас сөйлем жүйесіне арналған бөлім де осы мақсатты алға ұстай дайындалды.