ХХI ғасырда американдық зерттеушілер

«Lesson Study» жапон мұғалімдеріне педагогикалық білімімен қатар, өздерінің пәндік білімдерін де тереңдетуге көмектескенін;

пәндік білімнің тереңдеуі жапондық оқушылардың, американдықтармен салыстырғанда, білім көрсеткіштерін жақсартуға ықпал еткенін (Stigler and Hiebert, 1999; TIMSS, 1999) білгеннен кейін,

«Lesson Study» әдістемесі Батыста да кеңінен таралды.

Мүмкіндігінше, сол пәнді беретін және/немесе сіздің оқушыларыңыздың жасындағы оқушылармен жұмыс істейтін басқа мұғаліммен жұптасып жұмыс істеңіз.

Зерттеу сабағына кіре алатын сабақ жоспарын бірлесіп жасаңыз.

Төмендегі қадамдарды қолданыңыз.

• Оқу үдерісінің сапасын арттыру мақсатында өз сабақтарыңызда сынап көргіңіз келген «оқытудағы/оқудағы жаңа тәсілді» айқындаңыз. Мысалы:
• Белгілі бір критерийлерді пайдалана отырып, әріптестердің жазбаша жұмысты өзара бағалауы;
• Топпен жұмыста дарынды және талантты оқушыларға топты басқаруды тапсыру;
• Оқушылар жұптарының арасында диалогті ынталандыру үшін интернет-ресурстарды пайдалану; және т.б.
• Оқу жоспарының (тақырыбының) қандай бөлігінде бұл тәсіл аса ықпалды болатынын шешіңіз. Мысалы:
• Гүлдеген өсімдіктің бөліктерін зерттеу;
• Сан заңдылықтарын айқындаумен байланысты математикалық есептерді шығару;
• Қазақстанның әртүрлі өңірлеріндегі ландшафты зерделеу т.б.
• Тақырыбына қарай, сіздің оқушыларыңызға лайықты, нақты күтілетін оқу нәтижесін айқындаңыз. Мысалы:
• 6 жасар оқушылар гүлдеген өсімдіктерде тамыры, сабақтары, жапырақтары мен гүлдері болатынын білуі тиіс. Олар өсімдіктің әр бөлігінің неге арналғанын білетін болады.
• Енді кейс-стадиға қосу үшін сіздің сабақтарыңызда оқушылардың түрлі топтарын көрсететін оқушыларды «іріктеп» алыңыз.

Бұл жазу сияқты пәнаралық дағдыларға немесе ғылыми терминологияны білу сияқты арнайы дағдыларға қатысты оқу үлгерімі жақсы, орташа және нашар оқушылар болғаны дұрыс.