«Тәуекел тобындағы» жасөспірімдерге профилактикалық жұмыстар жүргізу моделі(А.А.Реан)
«Тәуекел тобы» балаларымен профилактикалық жұмыстар жүргізудің мәні мемлекеттік билік органдарының, қоғамдық және коммерциялық емес ұйымдардың, сондай-ақ балалық шақтың әлеуметтік проблемаларын шешудегі бизнес құрылымдардың күш-жігерін біріктіруді қамтиды. Бала ғана емес, оның отбасы да, әлеуметтендірудің негізгі институты ретінде назар мен қамқорлықтың объектісі болып табылады.
Профилактикалық жұмыс жүргізу міндеттері:
тәуекел тобындағы отбасылар мен балалардың ақпараттық деректер банкін қалыптастыру (әрбір құрылым өз картотекаларын ұсынады, оларды келісілген тізім дайындайды);
тәуекел тобындағы балалар мен отбасыларға диагностикалық тексеру жүргізу;
тәуекел тобындағы отбасылармен және балалармен жеке түзету-оңалту жұмыстарын жүргізу (проблемасына байланысты олармен медицина қызметкерлері, құқық қорғау органдарының қызметкерлері, әлеуметтік қызметкерлер, психологтар және т. б. айналысады);
тәуекел тобындағы отбасының ересек мүшелерінен еңбек бригадаларын қалыптастыру арқылы жұмыс орындарын құру;
білім беру және тәрбиелеу мекемелерінің жұмыс тәжірибесіне тәуекел тобының отбасыларымен және балаларымен алдын алу және түзету жұмыстары саласында жаңа психологиялық-педагогикалық технологияларды енгізу;
балалар проблемаларымен айналысатын мекемелердің тиімді өзара іс-қимылын қамтамасыз ететін құқықтық, ұйымдастырушылық, қаржылық-экономикалық механизмдерді жетілдіру;
балаларды отбасылық тәрбиелеудің басымдылығы бойынша қоғамдық пікір құру;
отбасы мен балалардың әлеуметтік ауытқуының алдын алу саласында педагогтардың кәсіби біліктілігін арттыру;
тәуекел тобындағы отбасылармен және балалармен жұмыс істеу үшін педагогикалық жоғары оқу орындары мен училищелер студенттері арасынан еріктілерді тарту.
Достарыңызбен бөлісу: |
