Реферат: Фармацевтикалық кәсіпорында микробиологиялық талдау жүргізу бойынша нұсқаулық жасау Орындаған: Салекенова Ж. Ж
жүктеу/скачать 68,83 Kb.
|
| Мемлекеттік бақылау.
Елдің ұлттық қауіпсіздігінің бөлігі ретінде биологиялық қауіпсіздікті қамтамасыз етудің маңызды құрамдас бөлігі субъектілердің (объектілердің) биологиялық қауіпсіздікті қамтамасыз ету саласындағы Қазақстан Республикасы заңнамасының талаптарына сәйкестігін бағалауға және сақталуын тексеруге бағытталған мемлекеттік бақылау және қадағалау болып табылады. Мемлекеттік бақылау мен қадағалауды жүргізудің қолданыстағы тәсілдері мен нысандары ескерту-хабарлама сипатына ие және жедел, сенімді және объективті қадағалау мен бақылауды жүргізуге мүмкіндік бермейді. Себебі, қолданыстағы тәртіпте қадағалау және бақылау субъектісін алдағы тексеру туралы алдын ала хабарлау, құқықтық статистика және арнайы есепке алу саласындағы уәкілетті органда тексеруді есепке алу және тіркеу міндетті болып табылады. Қауіпті биологиялық объектілерді мемлекеттік бақылауды талдау тексеру жүргізудің қолданыстағы тәсілдері мен тетіктері шеңберінде барлық қауіпті биологиялық объектілерді бақылаумен қамту мүмкін представлястігін көрсетті. Мәселен, 2020 жылы аталған объектілерге қатысты 141 тексеру жүргізілді, ПБА жұмысында пайдаланатын 174 объект тексерілді. 109 нысан тексерумен қамтылмаған. Аталған тексерулердің нәтижелері бойынша 42 өрескел бұзушылық, Елеулі – 12, шамалы-6 бұзушылық анықталды. Көрсетілген бұзушылықтар бойынша елеулі үлес өрескел бұзушылықтарға жатады, олардың жасалуы мемлекеттің, халықтың теріс факторлардың әсерінен қорғалуына айтарлықтай нұқсан келтіруі мүмкін. Сондай-ақ, 1 және 2 топтағы патогендермен жұмыс істейтін аса қауіпті объектілерді тексерулермен толық қамтымауға назар аудару қажет. Осыған байланысты биологиялық қауіпсіздікті қамтамасыз ету саласында мемлекеттік бақылау мен қадағалауды ұйымдастырудың жаңа тәсілдері мен нысандарын әзірлеу, биологиялық тәуекелдерді білдіретін және биологиялық қауіпсіздікті қамтамасыз ету саласында мемлекеттік бақылауға және қадағалауға жататын субъектілер мен объектілердің өлшемшарттары мен тәуекел тобын белгілеу қажеттілігі туындайды. ҚР-да биологиялық қауіпсіздік деңгейлері бойынша зертханаларды саралаудың халықаралық тәжірибесін пайдалану (UBB-1 – UBB-4) биологиялық қауіпсіздік саласындағы халықаралық стандарттарға сәйкес зертханалардың ұлттық желісін дамытуға мүмкіндік береді, бұл биологиялық тәуекелдерді басқару тәсілдерін біріздендіруге мүмкіндік береді. Сондай-ақ биоагенттердің зертханалық зерттеулерінің сапасын бағалау және оларды жүргізу әдістемелерін сақтау бағытында бақылауды кеңейтуді қарастыру қажет. Сапасыз жүргізілген немесе әдістемелерді бұза отырып жүргізілген зерттеулер ел халқының өмірі мен денсаулығына ауқымды тәуекелдер әкелуі мүмкін. Мысалы, мұндай зерттеулердің нәтижелері өлімге әкелетін және тез таралатын инфекциялардың эпидемияларын болжау және ерте ескерту, емдеу хаттамаларын әзірлеу, белгілі инфекциялардың әрқайсысы үшін пайда болған жағдайда басқару органдары мен халықтың іс-қимыл алгоритмдерін әзірлеу үшін қолданылады. Бұл жұмыс үздіксіз жүргізілуде және аса қауіпті инфекциялар эпидемиясының туындауын болдырмаудың кепілі болып табылады, сондықтан да тиісті бақылауды талап етеді. Бұдан басқа, биологиялық тәуекелдерді бағалау, оларды болжау және Қазақстан Республикасының қауіпті биологиялық объектілерінде басқару жөніндегі ғылыми негізделген компоненті бар биологиялық қауіпсіздікті қамтамасыз ету саласындағы мониторинг жүйесін жүзеге асырудың жаңа қағидаларын әзірлеу талап етіледі. Террористік тұрғыдан осал осы объектілер үшін алдын ала тіркеуді және хабарламаны болдырмайтын жоспарлаудың, тағайындаудың, мемлекеттік бақылау мен қадағалауды жүргізудің ерекше белгіленген тәртібін әзірлеп, заңнамалық деңгейде енгізу көзделеді. Биологиялық қауіпсіздікті қамтамасыз ету саласындағы Мониторинг халық пен жануарлар арасында жұқпалы аурулардың пайда болу және таралу себептері мен жағдайларын және соған байланысты ықтимал медициналық-биологиялық және экономикалық салдарларды уақтылы анықтау, белгілеу мақсатында аумақты, объектілерді және қоршаған ортаның қауіпті факторларын жүйелі жоспарлы, тұрақты және тәуелсіз зерттеп-қарауды жүргізуді қамтамасыз етуге тиіс. Қазақстан Республикасының биотерроризмге қарсы іс-қимыл туралы заңнамасында көзделген террористік тұрғыдан осал объектілерді терроризмге қарсы биологиялық қорғаудың жай-күйіне ден қою мен бағалаудың жаңа тәсілдерін әзірлеу талап етіледі. Биологиялық қауіпті объектілердегі технологиялық бұзушылықтардың, авариялардың, төтенше оқиғалардың және ахуалдың туындағаны туралы хабарларға ден қоюдың, Еуразиялық экономикалық одақтың кедендік шекарасы және (немесе) Қазақстан Республикасының Мемлекеттік шекарасы арқылы адамдардың, багаждың және көлік құралдарының қиылысуын санитариялық-карантиндік, ветеринариялық және фитосанитариялық бақылаудың үздіксіз процестерін жүзеге асырудың қолданыстағы жүйесі, карантиндік іс-шараларды ұйымдастыру және өткізу адамның, жануарлардың, өсімдіктердің аса қауіпті аурулары бойынша аймақтар мен қолайсыз пункттерде, карантиндік және аса қауіпті инфекциялардың, аса қауіпті зиянды организмдердің, агенттердің таралу ошақтарында террористік тұрғыдан осал объектілерді терроризмге қарсы қорғаудың жай-күйін бақылауды жүзеге асыру құқықтық өріс шеңберінде барлық карантиндік және эпидемияға қарсы іс-шараларды жедел және толық көлемде жүргізуге мүмкіндік бермейді. Террористік қауіп-қатерлерге қарсы әрекет ету шараларын ерте ескерту мен мерзімінен бұрын әзірлеу мүмкіндігін қамтамасыз ету мақсатында тиісті уәкілетті органдардың мемлекеттік ақпараттық жүйені белсенді пайдалануы көзделеді. Патогендік биологиялық агенттермен жұмыс істеуді жүзеге асыратын субъектілер қолданатын есепке алу жүйелерінің осындай ақпараттық жүйесін әзірлеу және интеграциялау осы Тұжырымдамада көзделген. Атап айтқанда, патогендік биоагенттермен (ПБА) жұмыс жүргізілетін барлық объектілер, патогендердің түрлері, олардың айналым субъектілері туралы ақпараттың болуы ПБА-ның мұндай орын ауыстыруының қозғалысы мен түпкілікті тағайындалу нүктесін бақылауға, ықтимал пайдалану және трансшекаралық орын ауыстыру нұсқаларын болжауға мүмкіндік береді. Шығу тегі мен мақсаты ақпараттық жүйеде тіркелмеген ПБА-ның қозғалысы ПБА-ны заңсыз пайдаланудың ықтимал тәуекелдерінің бар екендігіне сенуге мүмкіндік береді. Сол сияқты ақпараттық жүйе арқылы жедел ақпарат алмасу авариялар мен төтенше оқиғалардың алдын алу шаралары, ерте ден қою шараларын қолдану үшін неғұрлым кең мүмкіндіктер береді. жүктеу/скачать 68,83 Kb. Достарыңызбен бөлісу:
|