Реферат тақырыбы: «Полимер материалдардың негізгі өндірісі. Полимер материалдардың жіктелуі»
жүктеу/скачать 33,27 Kb.
|
- Бұл бет үшін навигация:
- Шығу тегіне байланысты
- Макромолекула пішіне қарай полимерлер
- Негізгі тізбектің құрылысы бойынша полимерлер үш топқа бөлінеді
| 2. Полимерлердің жіктелуі
Полимерлерді бірнеше белгілері бойынша: шығу тегі, макромолекула пішіні, негізгі тізбектің құрылысы, температураға қатысы, алу әдісіне байланысты жіктейді. Шығу тегіне байланысты жоғары молекулалық қосылыстар төмендегідей болып бөлінеді: · табиғи полимерлер (белоктар, нуклеин қышқылдары, крахмал, целлюлоза, табиғи каучук, лигнин т.б.); · жасанды полимерлер – табиғи полимерлерді химиялық әдістерге ұшырату арқылы алады (нитро-, ацетоцеллюлоза, резина т.б.); · синтетикалық полимерлер – төменгі молекулалық қосылыстардың (мономерлердің) полимерленуімен алынады. Макромолекула пішіне қарай полимерлер: · сызықты – (ковалентті байланыспен ұзын тізбекке қосылған мономерлер буындары); тармақталған (егер макромолекуланың негізгі тізбегінде, оған қарағанда қысқа мономер буындарынан тұратын бүйірден тармақталу пайда болғанда), торлы (кеңістікті) – макромолекула тізбектері бір-бірімен көлденең көпіршелер арқылы негізгі валенттіктермен байланысқан) – деп ажыратылады. Негізгі тізбектің құрылысы бойынша полимерлер үш топқа бөлінеді: · карботізбекті – негізгі тізбек көміртек атомдарынан тұратын полимерлер; · гетеротізбекті – негізгі тізбек көміртек атомдарымен қатар N, O, S, P атомдарынан тұратын (полиэфирлер, полиамидтер, белоктар және т.б.) полимерлер; · элементорганикалық – негізгі тізбек көміртек атомдарынан басқа да элементтерден тұратын (Al, Si, Ti т.б.) полимерлер. Жоғары молекулалық қосылыстар алу әдісі бойынша – полимеризациялық және поликонденсациялық болып келеді. Полимерлер температураға қатынасы бойынша термопластикалы және термореактивті болып ажыратылады. Термопластикалыға – бірнеше рет қыздырып не суытқанда қасиеттері қайтымды өзгеретін полимерлер жатады. Термореактивтіге – қыздырып не суытқанда қасиеттері қайтымсыз өзгеретін, яғни қыздырғанда кеңістіктік күйге көшетін сызықты не тармақталған полимерлер жатады. Полимерлер жасалған негізгі материалдар болып табылады: пластмассалар; полипропилен; полиуретандар; полистирол; полиакри; фенол формальдегид шайырлар; эпоксидті шайырлар; капрона; вискоза; нейлон; полиэстер талшықтар ; тiндер; фильм; таниндер және басқалар. жүктеу/скачать 33,27 Kb. Достарыңызбен бөлісу:
|