әрекетте қалайша ойланады» (1983) деген кітабының ықпалы күшті болды. Оның «техникалық
ұтымдылық» ұғымын кәсіби білім негізі деп тануды жоққа шығара отырып, кәсіпқойлардың не
істейтіндігін түсіну негізіне «рефлексия» түсінігін қоюы бұл іске қосқан зор үлесі болып табы-
лады. Техникалық ұтымдылық кәсібилікпен салыстырғанда негізгі парадигма бола алмады.
Оның «іс-әрекеттегі рефлексия» деген ұғымы кейде «іс барысындағы рефлексия» ретінде де
сипатталады. Бұл біздің тәжірибемізге көзқарасты, біз пайдаланатын эмоциялар мен тоериялар-
ды ескеруді көздейді, соның салдарынан өзгеріп жатқан жағдайға сай әрекет етуге көмектесетін
жаңа сезімдер туындайды. Бұл үдерістен кейін «іс-әрекеттен кейінгі рефлексия» жүреді.
Бұл үдеріс кейінірек, біз жазбаны аяқтап, оны әріптесімізбен немесе тәлімгермен талқылай
бастағанда жүзеге асырылады. «Іс-әрекеттен кейінгі толғаныс» актісі топта не болып жатқанын,
өзіміздің белгілі бір жағдайда неге дәл осындай іс-әрекет жасағанымызды зерттеуге мүмкіндік
береді. Сонымен қатар біз өзіміздің іс-әрекетіміз бен тәжірибемізге қатысты бірқатар ойлар
мен сұрақтарды анықтаймыз.
