Тест тапсырушыларға қатысты компоненттер

• 
  2021 жылғы PISA (компьютерлік және қағаз формат) циклі үшін пән параметрлерінің алдыңғы циклдармен салыстырғанда өзгермейтінін бағалау;
  
• 
  Бекітілген тәртіпте адаптивті тестілеу кезіндегі тапсырмалар сипаттамасының өзгермелі тәртіппен салыстырғанда өзгермейтінін бағалау;
  
• 
  Адаптивті дизайнды енгізу үшін математика мен креативті ойлау бағыттары бойынша жаңа тапсырмалардың параметрлері мен сапасын бағалау;
  
• 
  Компьютерлік платформаның жалпы және қатысушылар арасында қаншалықты жақсы жұмыс істейтінін бағалау.
  

PISA зерттеуі тестілеуге қатысатын білім алушылар мен олардың үлгерімін бағалаудың, оқу орны жайлы ақпарат жинаудың маңызын әрқашан баса көрсетіп келеді. Ол контекстілі ауыспалылардың ауқымды спектрін қамтитын, білім алушылар мен білім беру мекемелеріне арналған анкета көмегімен жүзеге асты. Бұл анкеталардың мазмұны әр цикл сайын айтарлықтай өзгеріп отырғанымен, оны толтыру тәртібі сол күйі қалды: әр білім алушы анкетаны өзі үшін, ал оқу орны әкімшісі мекеме үшін толтырады.

PISA зерттеуі анкеталық сауалнаманың бірнеше халықаралық нұсқасын да қамтиды, бағдарлама қатысушылары оны басшылық үшін таңдауына болады. PISA 2021 тестілеуге қатысатындарға арнап ақпараттық-коммуникациялық технологиямен танысуға арналған анкета, әлеуметтік-экономикалық статус анкетасы, жаһандық құзыреттілік анкетасы және қаржылық сауаттылық анкетасы (осы қосымша модульдің қатысушылары үшін) секілді қосымша анкеталарды ұсынады. Бұдан бөлек, PISA 2021 зерттеуі педагогтер мен ата-аналарға арналған анкетаны да ұсынады.

Білім алушы мен оқу орнына арналған анкета қағаз форматта да, компьютерлік форматта да қолжетімді болады әрі анкеталар режимі қатысушының PISA 2021 зерттеуін басқару үшін таңдаған режимімен сәйкес келеді.

Білім алушыларға арналған қосымша анкеталар бекітілген және ол компьютерлік форматта қолжетімді. Негізгі анкетаны толтырып шыққан соң мынадай анкеталар жіберіледі:

І. Ақпараттық-коммуникациялық технологиямен танысуға арналған компьютерлік форматтағы анкета (шамамен 10 минут);

II. Компьютерлік форматтағы әлеуметтік-экономикалық статус анкетасы (шамамен 10 минут);

ІІІ. Компьютерлік форматтағы жаһандық құзыреттілік анкетасы (шамамен 10 минут).