-Өткен сабақта біз «Оқу-тәрбие процесінде темперамент типтерімен санасу жолдары» тақырыбындағы теориялық материалдармен зерттеп, практикалық тапсырмалар орындадық. Негізінен психикалық құбылыстардың ішіндегі үшінші тобы психикалық өзгешеліктермен танысып жатырмыз. Психикалық өзгешеліктерге (психикалық қасиеттер) темперамент, мінез, қабілет процестері енеді. Темперамент дегеніміз жеке адамның жүйке жүйесінің тума қасиеттерінен туындайтын жеке өзгешелік. Яғни, темперамент туа пайда болады екен. Сонымен қатар, адамның бойында жүре пайда болатын психикалық қасиет бар. Ол қандай Процесс екен??? Лекция материалдарына зейін аударамыз.
