Ойыншының біріге ынтымақтаса жасаған әрекет түрлері қабырға, тоғысу бірден-біреу. Қабырға әріптесінің көмегімен қарсылас қорғаушыны тез жеңуге мүмкіндік береді. Бірінші ойыншы допты қабырға орнында ойнаушы әріптесіне береді де, ол допқа аяғы тиісімен бірінші ойыншыға кері қайтарады. Бұл кезде ойынның бұл түрін бастаушы қорғаушы желкесіне шығып қолайлы орын таңдап үлгереді. Тоғысу бірінші ойыншы допты алып жүріп, екіншімен бір-біріне қарама-қарсы қозғалады. Екі ойыншы кездескенде бірінші ойыншы допты екіншіге қалдырады. Әрі қарай ойыншылар ойын барысына қарай әрекет етеді. Допты бірден тапсыру ойынның бұл түрі допты бір-біріне қолайлы жағдайда бере отырып, ойыншылардың допты біреуінен басқа орынға тез жетуіне мүмкіндік береді.
Футбол жарысында ойыншы әр түрлі тактикалық әдістер мен шешуші комбинацияларды қолдана білу керек. Ойын өз бетінше творчестволық үрдіс болғандықтан ондағы комбинацияларда шек жок. Футболдағы ойын басымдылығы қай команда доппен қалай өнер көрсетуіне байланысты. Қандай да болмасын шабуыл комбинациясының тактикалық қимылы ол доп алып жүру, пас, алдау, ұрымтал орын таңдай білу, қарсыласпен доп үшін күрес, қақпаға доп бағыттауға байланысты. Әр ойыншы қарапайым тактикалық әдістерді игеруі керек және олармен ойын барысында пайдалана білуі керек. Бұл оның басқа да әріптестерімен тіл табысуына керек қасиет.Яғни ойын барысында әріптестерін және қарсыластарының ойларын байқап жүру керек. Футбол – ол ұжымдық ойын. Сондықтан әр бір ойыншы өзінің индивидуалдық қадамын ұжымдық және командалық тактикаға келістіре білуі керек. Тактика команданың доп жүргізу мәнін және әр бір ойыншының нақты міндетін белгілейді.
Футбол ойынының техникалық тәсілдерін ережесін талқылайды .