5.Т/А5.Тыңдалған мәтін мазмұны негізінде сұрақтарға жауап беру,көтерілген мәселе бойынша өз ойын білдіру.
5.О3.Хат,хабарлама,жарнама,нұсқаулық,хабарландырудың құрылымы мен рәсімделуі арқылы жанрлық ерекшеліктерін ажырату.
5.ӘТН5.5.Төл сөз,төлеу сөзавтор сөзінің жасалу жолдарын,қызметін білу,төл сөзді төлеу сөзге айналдыру.
Сабақтың мақсаты:
Барлық оқушылар үшін: Тыңдалған мәтін мазмұны негізінде сұрақтарға жауап береді, көтерілген мәселе бойынша өз ойын білдіреді.
Көпшілік оқушылар үшін: Хат,хабарлама,жарнама,нұсқаулық,хабарландырудың құрылымы мен рәсімделуі арқылы жанрлық ерекшеліктерін ажыратады.
Кейбір оқушылар үшін: Төл сөз, төлеу сөз автор сөзінің жасалу жолдарын,қызметін біледі, төл сөзді төлеу сөзге айналдырады.
Ұйымдастыру кезеңі: (Ұ) “Гүлмен тілек” әдісі арқылы оқушылардың бір-біріне жақсы тілек айту арқылы жағымды ахуал қалыптастыру.
Топта жұмыс жасау ережені еске түсіру.
Топтастыру.
Оқушыларды топтарға біріктіруді ұйымдастыру:
Фигуралар көмегімен оқушыларды 3 топқа біріктіру.
I – Үшбұрыштар тобы
II – Дөңгелектер тобы
III – Төртбұрыштар тобы
Мақсаты: оқушылар бойында идея немесе тілек білдіру, тыңдау дағдыларын дамытуға бағыттау, сондай-ақ барлық оқушыларды қатыстыру арқылы оқыту жағдайларын теңестіру.
Тиімділігі: оқушыны бір-біріне тілек айту арқылы жақындастырады, көңіл күйін көтереді, бауырмалдығын оятады.
(Ұ) «Миға шабуыл» әдісі арқылы өткен тақырыппен жаңа сабақты байланыстыру мақсатында ой қозғау сұрақтарын ұжымдық талқылау.
Сұрақтар: 1.Саяхат деген не?
2.Саған саяхаттау ұнай ма?
3.Қай жерлерге саяхаттағың келеді?
Бір-біріне сұрақтар қояды. Сыныптастырының пікірін толықтырады.
Өз ойымен бөліседі.
Оқушылар сұрақтарға жауап беріп, өзара ұжымдық талқылау жасағаннан кейін мұғалім оқушыларға сабақтың тақырыбы, мақсатымен таныстырады.
