2)Тарихқа көз жүгіртсек ... «Жіп иіру». Үлкендер балаларын жұмысқа қызықтыра түсуі үшін «жүнді тұмсығыңа дейін түтсең, мұрныңнан маржан түседі» деп иландырып шапшандыққа тәрбиеленген. «Кестені көңіл сызады, қол тігеді,көз сынайды». Қазақ халқының қол тігістері өзінің тігілуі әдісімен мәнеріне қарай бірнеше түрге бөлінеді.
Қолмен жасалатын жұмыстарға қойылатын техникалық талаптар:
1. Бормен сызылған сызықтарды бір бөлшектен екінші бөлшекке инешаншымдар арқылы түсіреді.
2. Уақытша тігімдерде жіптің түсі қосып тігілетін бөлшектің түсінен (тез көрінуі үшін) өзгеше болуы керек.
3. Бөлшектерді көшірмелік инешаншымдар немесе бормен сызылған сызық бойымен көктейді. Көктеп болғаннан кейін көшірме инешаншымдар жібін алып тастайды.
4. Жіпті тігім басында және соңында бекітеді. Тігім басында жіп соңындағы түйін арқылы, ал соңында бір немесе бірнеше инешаншымдармен бекітіледі.
5. Бұйымды соңғы рет тіккенде, матамен жіптің түсі сәйкес келуі керек.
6. Әрлеу заттарын бұйымға тіккенде, сол түстегі жіп алынады.
7. Тура тесікті түймелерді қадағанда, жіптің түсі түйме түсімен сәйкес болуы керек.
8. Уақытша жасалатын қол тігімдерін орындау үшін №50, №60 мақтадан дайындалған жіптерді пайдаланады.
