Қарым-қатынастың жазбаша түрін жетілдіру үшін жеке электронды хат, хабарлама, ашықхат, шақырулар жаздыру ұсынылады.
II. Қарым-қатынастың оқу-кәсіби саласы төмендегі тақырыптарда беріледі:
1. «Болашақ маманның кәсіби қабілеттері», келесі тақырыпшаларда ашылады: «Оқу дәрістері»; «Жұмыс күні»; «Оқуға/жұмысқа деген көзқарас»; «Болашаққа арналған жоспарлар». Аталмыш тақырыпшалар типтік жағдаяттар, рөлдік ойындар секілді мәдениаралық-коммуникациялық технологиялар арқылы жүзеге асырылады.
Қарым-қатынастың ауызша түрін жетілдіру үшін келесі типтік жағдаяттар ұсынылады:
1. «Менің болашақ мамандығым: бүгіні мен ертеңі» тақырыбына әңгіме.
2. Оқу пәндері туралы пікірталас: қолдау және қарсы шығу дәлелдері. Менің сүйікті пәнім.
3. Шетелдік құрдастарыңызбен екі елдің оқу үрдісін, оқу пәндерін, университет өмірін ұйымдастыру туралы әңгімелесу: ұқсастықтары мен айырмашылықтарын айқындау.
Қарым-қатынастың жазбаша түрін жетілдіру үшінжеке электронды хат, хабарлама, библиография жаздыру ұсынылады.
Базалық жеткілікті (В1) деңгейінде төмендегі ТЛК жүзеге асады:
I. Қарым-қатынастың әлеуметтік-тұрмыстық саласытөмендегі тақырыптардан көрініс табады:
1. «Заманауи отбасы», «Заманауи жас отбасы және оның мәселелері», бұл аталған тақырыптар мынандай тақырыпшаларда кеңінен талқыланады: «Әлемдегі заманауи отбасының түрлері», «Отбасындағы өзара қарым-қатынас», «Қазақстандағы және тілін оқып жатқан елдегі некеге отырудың ұлттық дәстүрлері мен әдет-ғұрыптары», «Жас отбасы қаражаты және шығындардың негізгі ережелері». Аталмыш тақырыпшалар типтік жағдаяттар, рөлдік ойындар секілді мәдениаралық-коммуникациялық технологиялар арқылы жүзеге асырылады.
Қарым-қатынастың ауызша түрін жетілдіру үшін келесі типтік жағдаяттар ұсынылады:
«Сіздің отбасыңыздағы жақындарыңыз сіздің хоббиіңізді құптамайды делік – сіз олармен өзара түсіністікті қалай орнатар едіңіз?»,
«Қазақстан мен тілін оқып отырған елдерде некеге отырар кезде жас жұбайлар ұлттық дәстүрлерді және үйлену тойы салтанатын міндетті түрде сақтау қажет пе деген мәселені жиі талқылайды»;
