Организмдік деңгей. Денесі бір ғана жасушадан тұратын өсімдіктер (хламидомонада, хлорелла) мен жануарлар (амеба, инфузория, т.б.) өз алдына жеке ағза. Ал көп жасушалы ағзалардың жеке бір дарасы жеке ағза деп есептеледі.
Популяциялық-түрлік деңгей. Өзіне тән табиғи орта жағдайында, бір түрге жататын белгілі бір аймақта таралған даралардың жиынтығы популяцияны құрайды.
Биогеоценоздық деңгей. Құрылымдық деңгейі әр түрлі бір табиғи орта жағдайында ғана тіршілік етуге бейімделген көп түрлі азғалар жиынтығын биогеоценоз дейді. Оны кейде табиғи бірлестік деп те атайды.
Биосфералық деңгей. Жер ғаламшарындағы барлық тірі организмдер мен олардың тіршілік ететін жалпы табиғи орта жағдайларының жиынтығы биосфералық деңгейді құрайды. Биосфералық деңгейде басты рөлді "тірі заттар", яғни жер бетіндегі барлық тірі азғалар атқарады.
Ұсынылатын әдебиеттер тізімі: 1.Шілдебаев Ж.Б. Биологияға кіріспе.-Астана «Фолиант» 2016
2. Намзалов Б.Б. Введение в биологию .- Улан-уде, 2004
3.Грин Н., Стаут У., Тейлор Д. Биология: В 3 т. – М.: Мир, 1990. Т.1 –3.
Талқылауға арналған сұрақтар: 1. Биология ғылымының дамуына үлес қосқан ғалымдар және олардың еңбектері
2.Тіршіліктің ұйымдасу деңгейлері
3.Тірі организмдердің қасиеттері
4. Молекулярлық деңгейді зерттеген ғалым және коацерват ұғымының мәні
5.Ұйымдасу деңгейлерінің ең жоғарғы деңгейі және оны сипатта
Тапсырма 1-кесте.Биологияның зерттеу әдістері
