2 АПТА. 3 СЕМИНАР. 1 САҒАТ. 5 Б.
3 семинар сабағының тақырыбы: Көшпелілер өркениетінің қалыптасуы.
Ежелгі металлургия кезеңіндегі көшпелілер өркениетінің қалыптасуының алғышарттары, ерекшеліктері мен таралу аймағын, энеолит, қола дәуірінің бастаулары, кезеңдері мен сабақтастығы, материалдық және рухани мәдениеті, мал шаруашылығының генезисі туралы ауызша төменде түзілген сұрақтар бойынша пікірталас, дисскусия.
Семинар сабағының жоспары: 1. Ежелгі металлургия кезеңіндегі көшпелілер өркениетінің қалыптасуы.
2. Мал шаруашылығы негізінде өндіруші шаруашылықтың қалыптасуы – Ботай мәдениеті (энеолит тұрақтары).
3. Қола дәуіріндегі мәдениет ошақтары (тұрақтар), шаруашылық ерекшеліктері.
4. Қола дәуіріндегі рухани мәдениеттің ерекшелігі. Қазақстан тарихы (Қазақ елі). 1-кітап. – Алматы: Қазақ университеті, 2016. https://elib.kaznu.kz/book/3849
Семинар сабағының мақсаты: Ежелгі металлургия кезеңіндегі көшпелілер өркениетінің қалыптасуының алғышарттары, ерекшеліктері мен таралу аймағын, энеолит, қола дәуірінің кезеңдерінің ерекшеліктері мен сабақтастығы, мал шаруашылығының генезисінің тарихи маңызын ашып көрсету.
Әдістемелік нұсқаулар:Қола дәуіріндегі металлды өңдеу мен көшпелі өркениеттің қалыптасуының тарихи маңызы және зерттелу мәселесіне байланысты зерттеу еңбектеріне ауызша талдау жасалынады. Сонымен қатар Қазақстанның ежелгі тұрғындарының антропологиялық түрі, қоғамдық құрылымы мен рухани, материалдық мәдениетінің зерделенуі, қалалық мәдениеттің қалыптасуына байланысты жаңа көзқарастарды талдап, тұрақтар мен ескерткіштерге сипаттама жасау қажет. Студенттер бірнеше топқа бөлініп, пікірталас, картамен жұмыс жасайды.
2 АПТА.4 СЕМИНАР.1 САҒАТ. 5 Б.
4 семинар сабағының тақырыбы: Көшпеліліктің қалыптасуының алғышарттары.
Табиғи-географиялық және әлеуметтік-мәдени факторларды қарастыра отырып, студенттер мал шаруашылығының рөлі мен маңызын анықтап, шаруашылық түрлерінің ерекшеліктерін талдайды, көшпеліліктің бастаулары, кезеңдері мен сабақтастығы туралы ауызша төменде түзілген сұрақтар бойынша пікір талас, дисскусия.
