Жеткізіп беру сатып алуды ұйымдастыру сияқты жеке, шағын жүйе болып табылады. Ол жеткізілімді жоспарлау; бухгалтерлік есепті ұйымдастыру; тауарды жеткізу, қабылдау, сақтау; есепке алу, жеткізілуін бақылау сияқты үдерістерді қамтиды
Жеткізіп беру сатып алуды ұйымдастыру сияқты жеке, шағын жүйе болып табылады. Ол жеткізілімді жоспарлау; бухгалтерлік есепті ұйымдастыру; тауарды жеткізу, қабылдау, сақтау; есепке алу, жеткізілуін бақылау сияқты үдерістерді қамтиды
Қаламызда не өңірде кішігірім туристік фирма ашпақ болсақ, ол үшін қандай ресурс қажет? Алдымен, оларды топтастырып аламыз.
Қаламызда не өңірде кішігірім туристік фирма ашпақ болсақ, ол үшін қандай ресурс қажет? Алдымен, оларды топтастырып аламыз.
Зияткерлік ресурс.
Тауар белгісін тіркеп алуымыз керек. Ол үшін компания құрып, логотип, корпоративтік стилін анықтап алуымыз керек.
Кейін сататын туристік турларымызды нақтылауымыз керек. Содан соң қызметімізді жарналамау үшін компаниямыздың веб-сайты мен әлеуметтік желісін құруымыз керек.
Мұның бәрі біздің зияткерлік ресурсымыз — зияткерлік еңбегіміздің нәтижесі, кейін сол арқылы пайда табамыз.
Адам ресурсы.
Бізге турларды дайындап отыратын маман қажет болады. Яғни веб-сайт жасайтын бағдарламашы керек. Өнімімізді жарнамалау үшін әлеуметтік желілерді басқаратын SMM-менеджер керек.
Жұмысымызды жүргізу үшін туристерді алып жүретін жүргізуші; экскурсия жүргізетін туристік гид; клиенттермен жұмыс істеп, қоңыраулар қабылдайтын, экскурсиялар туралы айтып беріп, тапсырыс, төлем қабылдайтын және т.б . кеңсе менеджері; компаниямыздағы қаржы ісімен айналысатын бухгалтер керек. Өз кеңсеміз болса, тазалаушы да қажет.
Материалдық ресурс.
Туристерді тасымалдайтын көлік, менеджер жұмыс істейтін офис, кеңсе жабдығы: компьютер, телефон, принтер және т.б. қажет болады.
Қаржы ресурсы.
Бастапқы капитал болмаса, автокөлік, жабдық сатып алу үшін несие алуымыз керек. Сондай-ақ бағдарламашы, SMM маманы, тур әзірлеушіге жалақы беріп, пайда түскенге дейінгі бірінші турға кететін шығынды (жүргізушінің, гид, менеджердің жалақысын, бензин және т.б.) жабатындай бастапқы капиталымыз болуы керек.
Осы ресурстың бәрі болған жағдайда кәсіпкерлікті бастауға, одан пайда табуға мүмкіндік береді.
Тапсырма
Интернеттегі киім дүкенін ашу үшін қандай ресурс (зияткерлік, адами, материалдық, қаржылық) қажет болады?
