Экологиялық тәрбие жұмысына орай көрнекіліктерді қолдана отырып, табиғат бұрышының жабдықталуына байланысты конкурстар ұйымдастырылып экология проблемалары туралы, жағымды-жағымсыз әрекеттер бейнеленген картиналар пайдаланылғаны, ата-аналар мен тәрбиешілердің бірлескен жұмысының нәтижесінде табиғат туралы шағын кітапхананы өлі және тірі табиғатпен жабдықтау арқылы көрме ұйымдастырылғаны дұрыс.
Адамгершілік тәрбиесінің мәнісі баланың адамдарға, айналадағы ортаға, туған өлкенің табиғатына деген сүйіспеншілігін, қамқорлығын арттыруды көздейді. Эстетикалық тәрбие нысанасы – баланың бойындағы әдемілік, әсемдікке інкәрлігін оятып, табиғат сұлулығын сезіне білу, сүйіне білу қабілетін ұстарту, көзін ашқан бұлақтай талғам қиялын ұштау.
Еңбек тәрбиесінің балабақшадағы басты нысанасы – баланы сәбилік шағынан қарапайым еңбек дағдыларына балу, еңбек туралы дұрыс көзқарас қалыптастыру.
III. Қорытынды
Қорыта айта келе, табиғат – адам тәрбиешісі. Қоршаған ортаны аялап, оны қамқорлыққа алып күту, табиғат жөнінде қарапайым білім бере отыра, тірі және өлі табиғаттағы құбылыстар жөнінде қарапайым ұғымдарды қалыптастырады. Адам – адам болып туып адам болып қалуы үшін табиғаттың атқарар рөлі зор. Табиғат бөлшектері: жан – жануарлар дүниесі, өсімдіктер әлемі, өзен – сай, биік таулар, сағым тербеген сағым дала, бәрі - бәрі адамдардың ойына – сана, денесіне – қуат, бойына – күш, өнеріне шабыт, көңіліне қанат береді. Сондықтан, мектеп жасына дейінгі балаларға қоршаған ортаны қорғауды түсіндіріп, сүйіспеншілігін арттырып, маңызын түсіндіру қажет.
