Серуен кезінде құстарды бақылау. Учаскеде кездесетін құстарға назар аударып, оларға жем беру ісін ұйымдастыру керек. Торғайлар ең көп тараған құстар. Қорек іздеу әрекетімен олар адамдардың мекеніне жақындай келетін қара күз бен қыста оларды бұл жерге күн сайын ұшып келуге және адамдардан қорықпауға оңай үйретуге болады.
Балаларды ауа райының мынадай сипатты белгілерімен таныстыру: қар жаууы, аяз, қар (үлпілдек, оны біріктіруге болады) мен мұздың (қатты, жылтыр) қасиеттері; су аязда мұзға, ал мұз бен қар жылы кезде суға айналады. Балаларды жапырақты және қылқанды ағаштарды айыра білуге үйрету. Балалардың қысқы пейзаждың әдемілігін сүйсіне білу қабілетін дамыту; өлкеде қыстап қалатын неғұрлым көп таралған құстарды біліп, оларды атау. Балаларды ауа райы мен адамдардың еңбегі арасындағы байланысты анықтауға бағыттау. Пияз өсіру, табиғат мүйісіндегі өсімдіктер мен жануарларды күту жөніндегі еңбек дағдыларын қалыптастыруды жалғастыра білу керек.
