Газ алмасу – 10 есе төмендейді. Мысалы, домаланып бүрісіп ұйықтайтын кірпі минутына бір-ақ рет дем алады.
Ми қызметі гиппокампта(гипоталамус маңындағы ми бөлімі) ғана сақталады.
Жүрексоғу жиілігі минутына 5-10 ретке дейін төмендейді. Айта кететін жайт, ұйқыдағы кірпілердің жүрек соғуы дене қызуы 0°С болғанда да сақталады. Ал ұйықтамаған жануарларда жүрек соғуы дене қызуы 15 °С болғанның өзінде тоқтайды
Қан қысымы аз ғана төмендейді (20-40%), себебі температура төмендеуіне байланысты қан тұтқырлығы артады. Ал қан тұтқырлығының жоғары болуының арқасында, жүрек қуат көзі - маймен қамтамасыз етіледі.
Гормональдық жүйесі: жануарлар майларды, ферменттерді, витаминдерді, әсересе, зат алмасуды тежейтін Е витаминін қорға жинайды. Жазда жануарлар май басып, күзде 3 есе семіреді, ал көктемде арық әлі әлсіз болып оянады.
Ұйқының артықшылықтар мен кемшіліктері. Артықшылықтары: жануарлардың қуат шығындалуының азаюы. Себебі, бұл жағдайда жануар ұйықтамаған кезіндегі қалыпты температураны ұстап тұру үшін қажетті қуаттың тек 15%-ы шығындалады. 4-7 ай ішінде жануарлар қорда жиналған май және тағы да басқа қоректік заттардың есебінен тіршілігін жалғастыра алады.
Кемшіліктері: ағзаның әлсіреу немесе құрғап қалу мүмкіндігі; қаңқа бұлшық еттерінің атрофиясы, иммунитеттің төмендеуі, жыртқыштар алдындағы қорғансыздығы, үсіп қалу.
